Page 124 - Майаҕатта Бэрт Хара

ран, өйбүн-санаабын өрүкүтэн,
оҕо сааспын санатта. Санаабар
сылгы кистиирэ, атыыр оҕус
айаатыыра, ынах маҕырааһы-
на, бостуук сүөһүлэри сайдыыр
саҥата, кулгаахпар ой дуора-
ана буолан охсуллан ааһарга
дылы буолан ылла. Кэрээбэк-
кэ кэҕэлиир кэҕэ, өрөөбөккө
үөтэр өтөн, уу оҕуһа уһуу-
тааһына доҕуһуоллаах күнү
супту кэрийэн кустаабыт ол
күөллэрбин, оҥоойуктаах орох
тэппит, отоннообут ойуурдар-
бын, ойор- тэбэр оҕо сааһым
саһан сытар сыһыыларын, сөтүөлээбит
сып-сылаас, ыраас уулаах Туйма үрэхпи-
тин көрөн олус астынным, оҕо сааспын
санаан ыллым. Хаһан эрэ сайыһа хаал-
быт доҕотторум барахсаттар, бүгүн эмиэ,
үөрэ-көтө кэлэн аастым сайылыкка.
Онтон ылата элбэх күн-дьыл ааста.
Ол аайы олохпут устуоруйата дириҥээн,
хаҥаан иһэр. Арай хомолтото диэн ону
барытын өйгөр хатыыр кыаҕыҥ суох.
Биири билэбин ийэм, аҕам курдук сайы­
лыкка, кыстыкка сүөһү көрөн олох олор-
бут, холкуос, сопхуос үлэтин өрө туппут,
чымадаан, сундуук муҥунан хачыгыр
элбэх хайгыыр кумааҕылардаах, эмиэ
биир оччо махтал суруктаах, бочуоттуур
грамоталардаах, сулуһа суох үлэ дьо-
руойдарыгар сүһүөхтээх бэйэм сүгүрүйэ-
бин. Кинилэр сырдык мөссүөннэрэ өрүү
үөрэн чаҕылыспыт уоттаах харахтара
эйэҕэс, истиҥ, ис киирбэх мичээрдэрэ
бу сайылыктарыгар, бу өтөхтөрүгэр, ти-
тииктэригэр, хотонноругар хатыламмат-
тык хатаммыттар, үйэлэргэ умнуллубат-
тык, сүппэттик сөҥмүттэр. Ийэлэрбит,
аҕаларбыт барахсаттар үтүө мааны да
дьон этигит. Эһиги сырдык сэбэрэҕит,
оҕолоргут, сиэннэргит баалларын туха-
ры, умнуллуо суоҕа. «Сурт кэриэстээх,
өтөх төҥүргэстээх» дэнэр ээ сахаҕа.
Ол иһин даҕаны Кыыс Хаҥа сайылык
төлөннөөх патриота Уоһук Сэмэнэбис
Бэртинээгин сайын аайы оҕолорун илдьэ
кэлэн манна сайылаан, төрөөбүт-үөскээ-
бит дойдутуттан күүс-уох ылан барара
эбитэ үһү,— диэн салгыы кэпсиир бу
дойдуга төрөөбүт, бу сайылыкка оҕо саа-
һа ааспыт, бу сир биир төлөннөөх пат­
риота, краевед Баһылай Уйбаанабыс Ко-
пырин: «Биһиги бу, Кыыс Хаҥа сайылык
илин баһыгар Уоһук Сэмэн сайылыгар
кэлэн турабыт. Уоһук дьонун кыстыкта-
ра мантан сэттэ биэрэстэлээх сиргэ баар.
Биир дойдулаахпыт устуоруйа билимин
дуоктара Иосиф Семенович Портнягин
улахан патриот киһи этэ. Дуоктар буо-
лаат сайылыгар, Кыыс Хаҥаҕа кэлэн,
төрөөбүт өтөҕүн тиэргэнигэр сэргэ ту-
руортарбыта. Уоһук 1967 сыллаахха
бэйэтэ үбүлээн, биллэр уус Аммосов
Тэрэнтэйи соруһан, бу сиртэн сэриигэ
барбыт биир дойдулаахтарыгар паама-
тынньык туттарбыта. Удьуор утумнанар
диэн мээнэҕэ эппэттэр, Уоһук Сэмэнэ­
бис уола эмиэ дуоктар буолбута. Кини
эмиэ кэмиттэн кэмигэр, аҕатын курдук,
сайылыгар кэлэн өтөҕөр сылдьан, хо-
нон-өрөөн барар үтүө үгэстээх».
Саха дьонугар Кыыс Хаҥа, Тойон
Мүрү, Хотун Төҥүлү, Уол Бэйдиҥэ —
улахан ааттаах, ааттара мээнэ ааттаммат
ытык алаастар. Майаҕатта Бэрт Хара бу
алаас көнө кырдалынан Эбэтин тоҕу-
ста кылыйан туоруура эбитэ үһү диэн
былыргы үһүйээннэр кэпсииллэр. Ара-
аһа онтон сиэттэрэн саха дьонугар олус
сөбүлэппит, национальнай атах оонньуу-
тун биир бастыҥ көрүҥэ «Кылыы» баар
буолбутугар тахсар. Ити көрөн ааспыт,
Уоһук Сэмэнэбис Бэртинээгин өтөҕүн
кэнниттэн Ефим Петрович—Дьэкиим
сайылыгын олоҕо кэлэр. Дьэкиим кы-