Page 25 - Мындааба спортсменнара

о

тары оҥоруу курдук уо.д.а. араас хайысхалаах улэ ыытыллара. Маны
таһынан, сайыҥҥы кэмҥэ үлэ таһаарыытын үрдэтэр сыаллаах агит-
биригээдэлэр тэриллэллэрэ. Манна бэйэтэ бэртээхэй конферансье,
сценкалары толорооччу, ырыаһыт быһыытынан быһаччы кыттара.
Саха сирин ыччатын III фестивалыгар уус алданнар бастакы миэстэни
ылыыларыгар улахан өҥөлөөх, республика тас өттүгэр тиийэ билли-
бит Найахы хорун тэрийсиини төрүттэспит дьоннортон биирдэстэрэ
буолар.
1971 сыл от ыйын ортотугар Дүпсүҥҥэ «Октябрь» колхозка пред-
седателинэн анаммыта. Кадры аттарыыга опыттаах буолан, сы-
та-тура сыымайдаан, солбуйааччытын уонна тутуу инженерии адьас
дьиэтигэр ыҥырталаан, туһааннаах сиргэ туруорсан, хамаанда тэ-
ринэн саҥа сиргэ көһөн тиийбитэ. Ол курдук, солбуйааччытынан
ветврач идэлээх Оконешников Иван Спиридонович буолбута, оттон
тутуу инженеринэн Иванов Афанасий Семенович, дьиэ кэргэнин Бо-
роҕоҥҥо хаалларан туран, сөбүлэһэн үлэлии барсыбыта. Талан ылбыт
хамаандатыгар кини сыыстарбатаҕа, олус тапсан, өйөһөн, өйдөһөн,
биир тыынынан үлэлээбиттэрэ. Кыһалҕатын оҥорон, кураан сыллар
сатыылаан, сайын аайы Кэбээйи Сииттэтинэн, Нам Таастааҕынан
техниканы, көлөнү көһөрөн туран, сэтиэнэх оту кытта тустан кысты-
гы этэҥҥэ туоруурга сорук туруорунан үлэлээн кэлбиттэрэ.
Дүпсүҥҥэ үлэлиир сылларыгар ордук капитальнай тутуулары
ыытарга үлэлэспитэ. Үлэһит тыа дьонун күүстээх үлэ кэнниттэн куль-
турнайдык сынньанар кулууптара Дүпсүҥҥэ, Чэриктэйгэ, Өнөргө
тутуллубуттара, эдэр көлүөнэни билии-көрүү аартыгар үктэннэрэр
оскуолалар Чэриктэйгэ, Өнөргө баар буолбуттара. Нэһилиэктэртэн
кэлбит оҕолору олордор интернат, 75 миэстэлээх дьааһыла-сад тутуу-
та саҕаламмыта. Маны таһынан, ыанньыксыттар олорор дьиэлэрэ,
партком уонна колхоз председателэ олорор 2 квартиралаах дьиэтэ, 12
квартиралаах этээстээх уопсай дьиэ тутуллубуттара. «Октябрь» колхоз
саҥа хонтуораламмыта, Дүпсүн бөһүөлэгэ саҥа типовой бырайыа-
гынан тутуллубут маҕаһыыннаммыта. Колхоз техникатын туруорунар
улахан гарааһа, кормокухнялар, арыттаах муосталаах, траншеялаах
саҥа хотоннор баар буолбуттара, сүөһү кыстыгын ыарахан үлэтин ме-
ханизациялааһыҥҥа былааннаах үлэ саҕаламмыта. Дүпсүн-Чэрик-
тэй, Өнөр-Остуойка икки ардыларыгар суол оҥоһуллубута. Дүпсүҥҥэ
олорбут, үлэлээбит түөрт аҥаар сылын биир бөдөҥ ситиһиитэ бары