Page 29 - Мындааба спортсменнара

________________ ___ф

улууһун бочуоттаах олохтооҕо буолбута. Кини аата И. Протодьяконов
«Бэйэм көлүөнэм спортсменнара» (Бороҕон, 2003), «Трудовая слава
Якутии» (Дьокуускай, 2003.1 том), И. Жирков, И. Захаров «Уус Алдан
спортсменнара» (Дьокуускай 2004), «Аммосов Николай Ефремович»
(Дьокуускай, 2008), «Өй-сүрэх ахтылҕана» (Дьокуускай, 2011), Л. Ан­
дросова «Мындааба» (2014), Д. Мигалкина «Избранные народом»
(книга-альбом) (Бороҕон, 2015) өйдөбүнньүк кинигэлэргэ киллэрил-
либитэ.
Үлэлээбит кэмин устатыгар комсомол, партия оройуоннааҕы ко-
митеттарын пленумун, бюротун чилиэнинэн, нэһилиэк, оройуон Со-
веттарын депутатынан талыллан, төрөөбүт оройуонун общественнай
олоҕор активнайдык кыттыбыта. Кылгастык олорон ааспыт олоҕор,
ханна да үлэлээтэр, тэрийэр дьоҕурунан, ылыннарыылаах кэпсэтии-
тинэн, дьоҥҥо болҕомтолоох сыһыанынан өрүү ытыктанара.
Доҕор, табаарыс быһыытынан чахчы эрэллээх, бэриниилээх этэ.
Киниэхэ мин саамай сөбүлүүр хаачыстыбам этиллибит тыл хайаан да
туолуутун, ол холобурун киниэхэ эрэ көрөн кэлбит эбиппин. Сүрдээх
көрдөөх-нардаах буолан, уопсай тылы була охсоро, онон доҕотто-
рун, коллегаларын кутун тутара. Мин, ыал ийэтэ, үрдүк үөрэхтээх
специалист буоларбар улахан өйөбүлү кэргэммиттэн Иван Василье-
вичтан ылбыппын ийэм, аҕам, чугас аймахтарым чорботон бэлиэ-
тииллэрэ уонна күтүөттэригэр махтаналлара.
Дьиэ ис-тас үлэтигэр барытыгар сыстаҕаһа. Кыһынын адьас
таһырдьаттан киирбэт үлэһит этэ, сүөһүтэ эҥинэ суох ыалга таһырдьа
булан үлэлиирэ. Дьиэбит икки оһохтооҕо, онно сыл устата түөрт Зил-
157 мааркалаах грузовой массыынанан мае атыылаһарбыт. Бастаан
икки массыынатын аҕалтарара. Ол икки массыынаны, сөҕүөм туһу-
гар, икки күнүнэн бүтэрэрэ (субуота, баскыһыанньа күннэригэр).
Бастаан утаа сөҕөммүн ыйытан турардаахпын: «Ыалларбытын кытта
күрэхтэһэр буоллубут дуо?» - диэн. Онуоха кини эппиэтэ кылгас: «Эс,
ол эмиэ тоҕо?» Маһын саһаанныыра, хатырыгын хомуйара, уматара,
олбуорун бэрээдэктиирэ, ол эрэ кэнниттэн иккис партия мае аҕалыл-
лара уонна итинник графигынан барыта хатыланара. Өлбүтүн кэннэ
поминкатыгар сиэн быраатын кэпсээниттэн эрэ билбиппит, сыала
«былырыыҥҥы кирбиибин ылабын дуо?» диэн. Туохха барытыгар
харыстабыллаахтык сыһыаннаһара, туга барыта анал миэстэлээх
буолара. Уазик массыыналааҕа, дьэ ону иһин-таһын сууйара-соторо.