Page 30 - Мындааба спортсменнара

О ындааба спортсменнара

Бадарааннаах суолга массыына киртийбэт буолуо дуо? Бадараана са-
рахадыйан, күрдьэҕинэн таарыйдахха, хоҥнор буолбутун эрэ кэннэ,
сороҕор адьас массыына анныгар киирэн туран ыраастыыра, ол эрэ
кэнниттэн массыына гарааһын булара.
Эр киһи сиэринэн сааскы куска хайаан да сылдьара, куобахтыыра,
анал лицензия ылан тайахха да сылдьыһара, байанайдаах булчут этэ.
Биһиги дьиэҕэ кини булка барарыгар эрдэттэн ууруллубут миэстэлэ-
риттэн чопчу наадалаахтар булуллаллара, аһын-үөлүн эрэ булуутугар
көмөлөһөрүм.
Оҕолорун, сиэн оҕолорун бүөбэйдэһэрэ, бэйэтэ оҕоҕо наһаа сым-
наҕас сыһыаннаах буолан, оҕо кыраҕа сэмэлэнэрин сөбүлээбэт буо-
лара.
Наһаа аһыныгас, уйан дууһалааҕа, олох наһаа долгуйдаҕына ха-
раҕын уута чугас буолара, билигин да бу баардыы көрөбүн, хайыһарга
аан бастаан турбут оҕотун көрөн долгуйбутун, детсадка хаалымаары
ытаабыт сиэнин аһынан, тулуйбакка төттөрү аҕалбытын...
Сайынын солото суоҕунан, күһүҥҥү кэмҥэ былааннаан курортка
сылдьара, үксүн «Дарасуҥҥа» тиийэрэ. Минеральнай ууну врачтар
анаабыттарынан куораттан булунан тиһигин быспакка иһэрэ, ол
быыһыгар күһүн муус киһини уйар, хаар чараас эрдэҕинэ Чурапчы
Кытаанаҕыттан чугас эмтээх күөл этэҕэтэ (хомурдуоска майгын-
наах) тимирдэҕинэ, массыынатыгар бэйэтигэр эрэ миэстэ хаалла-
ран туран, бидон бөҕөнү булунан ууну толору тиэнэн кэлэрэ уон-
на иһирдьэ-таһырдьа түһэн үүт курдук кыра иһиттэргэ тоҥортоон,
киэһэттэн киэһэ биирдии ыстакааны «ноортон» диэн ааттаан иһэрэ,
бэйэтэ туһанабын диэн ааттыыра.
Балыыһаҕа сытарын, уколланарын, эми иһэрин сөбүлээбэт этэ.
Иккиэн командировкалаах үлэлээх этибит. Арай биирдэ үлэбинэн
Дүпсүнүнэн, Өнөрүнэн бардым. Дүпсүнү бүтэрэн, сарсыарда үлэ
чааһын иннинэ Өнөргө тиийэн кэллим уонна хонтуораларыттан дет­
сад диэки баран иһэн билэр дьээдьэбин көрсө түстүм, киһим: « Хайа,
Иван Васильевич хайдаҕый, бэҕэһээ балыыһаҕа улаханнык ыал-
дьан киирдэ диэбиттэрэ дии», - диэччи буолла. Күүппэтэх сонуммун
соһуйа истэн, тута хонтуора аһылларын күүтэн турар массыынабар
төттөрү төннөн, детсадка таарыйан этэн аастым уонна Бороҕон-
ностум. Чугаһаан иһэн көрдөхпүнэ, икки оһохпут оттуллан буруота
унааран олорор, «арааһа, оҕолор бүгүн оскуолаларыгар да барба-