Page 84 - Мындааба спортсменнара

ындааба спортсменнара

Москваҕа МИИСП диэн тыа хаһаайыстыбатын инженердэрин бэ-
лэмниир институту бүтэрэн, ананан Уус Алдаҥҥа үлэлии кэлбиппит.
2 уол оҕолоох этибит. Бороҕоҥҥо 2 кыыс оҕоломмуппут. Мындаабаҕа
14 сыл олорбуппут. «Сельхозтехникаҕа» 8 сыл, «Сельхозхимия» тэрил-
тэтигэр 6 сыл улэлээбиппит. Слава СХТ-га үлэлии сылдьан партияҕа
киирбитэ. Оччолорго Сельхозтехника саамай сайдыбыт-кэҥээбит
сыллара этэ. Дьэ маннык улахан оҥорон таһаарар тэрилтэҕэ үлэлии
кэлиэҕиттэн, быыс-арыт буллар эрэ, тэрилтэ общественнай олоҕут-
тан туора турбатаҕа. Профсоюз үлэтигэр кыттыһан, коллектив сын-
ньалаҥын тэрийсэрэ, күрэхтэһиилэргэ биир түүн иһигэр сүүрбэккэ
турар массыынаны оҥостон, атын оройуоҥҥа күрэхтэһэ барар түгэн-
нэрэ буолуталыыллара.
Станислав Москваҕа үөрэнэр сылларыгар волейболугар өссө ордук
сайдыбыта, дьоҕурун ордук чочуйбута. Москва куорат сельхозвузта-
рын сүүмэрдэммит хамаандатыгар киирэн, РСФСР ДСО «Урожа-
йыгар» чемпионнаабыттара. Москва куорат чемпиона, КМС баллаах
команда чилиэнэ буолан, элбэх куораттарынан сылдьан күрэхтэһэн
кыайан-хотон кэлэллэрэ, элбэхтик «Лучший нападающий», «Лучший
разыгрывающий» диэн анал титулларга тиксэрэ.
Уус Алдаҥҥа 14 сыл саамай олохпут эдэр саастара, үлэбит тахсыы-
лаах кэмнэрэ ааспыттара.
Элбэх атас-доҕор дьоннордооҕо. Хара муора кырылас кумаҕар
сыламнаан сытардааҕар, Тулуна күөлүгэр балыктыырын, кустуурун,
Бээрийэ тайҕатыгар хаамарын ордороро. Кириллов И.И., Иванов
М.И., Готовцев Ф.Н., Петров Н.К., Замятин И.Д., Бурнашев Н.Г., В. Ар­
гунов уо.д.а. эрэллээх доҕор-атас дьоннордооҕо.
Уол оҕо, эр киһи буолан төрөөбүт силигин ситэрэн, Славик булка
наһаа көхтөөх этэ. Бастаан кустуу Найахы күөлүгэр тиийэн омунну-
ран, убайым бэлэхтээбит саатын ууга түһэрэн кэбиспитэ. Эр киһи
айылгытынан айылҕаны кытта ситимнээх буоллаҕына, киниттэн
күүс-уох ылан, дьонун-сэргэтин бултаан аһаттаҕына эрэ силигэ ситэн,
дьоллоох буолар эбит.
Биһиги үлэлиир кэммитигэр СХТ-га таас мастерской тутуллан,
бары анал стендэлэринэн, оборудованиенан хааччыллыбыт буолан,
тыа хаһаайыстыбатын техникатын запчастарын узелларынан хому-
йан өрөмүөннүүр буолбуттара, бу атын оройуоннарга кыалла илик
үлэ этэ.

ф о г» ^ о г) г> ф