Page 89 - Мындааба спортсменнара

___________________________________________________________ ©

саппаас оонньооччум Данил Аргунов (олус көрдөөх тыллааҕын иһин
«Дьаҥнаабыт» диэн таптал ааттааҕа) Бороданы тула хаама сылдьан
сахалыы миэхэ этэр: «Эн миигин син биир оонньоппот эрээри, бач-
ча ыраах сиргэ тоҕо аҕалбыккыный? Саатар мин бу киһилэрин ки-
эһэ биһигини утары тахсыбат гына дьаһайбаппын дуо?» - диир күлэ-
күлэ. Борода миигиттэн ыйытар: «Ити киһиҥ туох диирий? Тоҕо
миигин тула хаамарый?» Мин кырдьык-хордьук: «Наһаа үчүгэй киһи,
эйигиттэн чахчы астыммыт үһү», - диибин. Борода бытыгын иһигэр
мичээрдээн, хараҕа үөрэн мичилийэр.
Киэһэ дьэ оонньуубут саҕаланар. Бары ох курдук оҥостон, бэйэ
бодобутун тардынан киирэбит. Славикпыныын сүбэлэһэн, Боро­
да нападениеҕа кэллэҕинэ, утары блокка наар Славик түбэһэр гына
дьаһанабыт. Оччолорго блокка, билиҥҥи курдук, иккилии-үстүү киһи
тахсыбат буолара, олус уустук элбэх киириилээх-тахсыылаах ком-
бинациялар да суохтара. Үксүгэр сиэккэ уҥуор-маҥаар икки киһи,
быһааччы уонна кинини блоктааччы, утарыта киирсэллэрэ. Дьэ, ма-
ныаха биһиги Славикпыт били аатырбыт Бородабытын олох биирдэ
да оҕустарбакка, куоска кутуйаҕы тутарыныы, хам тутан кэбистэҕэ
үһү. Бэйэтэ буоллаҕына, талбытынан уҥа-хаҥас сабыта сынньан, ал-
быннаан, биир да мээчиги сүтэрбэккэ, барыбытын «собуоттаан», өрө
күүрдэн, олус табыллан оонньоон, били саллар өймөкөөннөрбүтүн
2:0 ахсаанынан «саайан» кэбиһэбит! Слава Доҕордуурап миигин кыт-
та бииргэ күрэхтэспит кэмнэригэр саамай тахсыылаахтык, чаҕылхай-
дык, чахчы киһи эрэ астынар, саллар оонньуутун онно көрдөрөн турар.
Ол эрээри, финалга маҥнайгы миэстэни былдьаһыыга чурапчылар-
бытыгар эмиэ хотторон кэбистибит. Онно бэйэм уолаттарым ис-
тибэттэригэр иккиэйэҕин олорон Славикпар оонньуу-көр кэриэтэ:
«Доҕоор, инникитин чурапчылары кытта киирсэр буоллахпытына,
эйигин саппааска олордууһубун быһыылаах», - диэбиппэр, эмиэ
күлэ-күлэ: «Капитан киһи дьаһайдаххына, ханна барыахпыный, сап­
пааска да олоруом буоллаҕа», - диэбиттээх.
Дьэ, бу кылгас ахтыыбын түмүктүүрбэр волейбол курдук олус тэ-
нийбит, сытыы киирсиилээх-тахсыылаах динамичнай спорт көрүҥэр
40-ча сыл оонньоон, күрэхтэһэн кэлбит кэмнэрбэр, биир хамаанда
чиэһин көмүскэспит уонунан, сүүһүнэн доҕотторбуттан, арааһа, Сла­
ва Доҕордуурап курдук бары өттүгэр дэгиттэр талааннаах чулуу во-
лейболиһы көрсүбэтэҕим. Киниэхэ дьиҥнээх улахан волейболистарга

О & О л & Д п д к л Ж п ф