Page 88 - Мындааба спортсменнара

О ындааба спортсменнара

лорун диэки, мин сааһыран, нападениеҕа оонньообот, разыгрываю-
щай-капитан буолбут кэммэр, «Урожайга» бастыыр иһин күрэхтэһии
Аммаҕа ыытылынна. Олохтоохтор, биллэн турар, уруккуттан да олус
күүстээх хамаандалаахтар. Биһигини сэрэбиэй маҥнайгы эргииргэ
оруобуна аммаларга түбэһиннэрдэ. Дьоммутун, «үрүҥ харахтарын
өрө көрдөрбөккө», 2:0 ахсаанынан «үлтү сынньан» кэбистибит. Икки
партия тухары баара-суоҕа икки эрэ очкону биэрбиппитин уолатта-
рым Валентин Филипповтаах билигин да умнубаттар. Аммалар, бука,
саастарын тухары кимиэхэ да оннук хотторо илик буолуохтаахтар.
Дьэ, ол киирсиигэ Слава обургу олус да табыллан оонньообута: «пла-
нирующай» подачата, атаката, защитата, блога! Бэйэтэ да илистибит
буолуохтаах, миигин да улаханнык тиритиннэрэн турардаах: площад­
к а ^ сүүрэ сылдьан барыларыгар мин эрэ «пас» биэрэрбин сөбүлүүрэ,
оччолорго, билиҥҥи курдук, «либеро» диэн, талбытынан киирэр-тах-
сар оонньооччу суоҕа. Аммалары кытта киирсиибитин корон олорон,
чурапчылар: «Оо, уус алданнар быйыл бастыыр буолбуттар», - дэһэл-
лэрин истэрбит. Ол эрээри, финалга маҥнайгы миэстэни былдьаһыы-
га чурапчыларбытыгар 1:2 ахсаанынан хотторон кэбистибит. Мин
сааһым тухары хотторорбун ыараханнык ылынар киһи, улаханнык
кыһыйбыт буолуохтаахпын, арай Славигым эрэ кыһыйбыта-абар-
быта биллибэт, бэйэтэ кыайбыт курдук, бэркэ үөрэр-көтөр: убайда-
ра-бырааттара, чурапчылар, бастаатахтара дии.
Ол эһиилигэр «Урожайга» бастыыр иһин күрэхтэһии Чурапчыга
МТС спортивнай саалатыгар ыытылынна. Онно тыа оройуоннарын
хамаандаларын кытта улахан промышленнай оройуон, Өймөкөөн,
олус күүстээх хамаандата кэлэн күрэхтэспитин өйдүүбүн, бары олус
доруобай, улахан нууччалар, киэҥ сирдэргэ урукку өттүгэр элбэхтик
күрэхтэспит, балачча үрдүк кылаастаах спортсменнар буолаллара
көстөр. Биир сирэйэ бүтүннүү түү бытык капитаннаахтар. Биһи-
ги, «Борода» диэн быһаччы аат иҥэрэн кэбистибит. Дьэ, ол Борода-
быт чахчы олус күүстээх быһааччы, үрдүк техникалаах волейболист
буоларын тута кордордо: бастакы-иккис эргиирдэргэ икки хамаан-
даны тулуппатылар, киһилэрэ соҕотоҕун кэриэтэ «быһыта сынньан»
кэбистэ. Биһиги эмиэ күрэхтэһиини кыайыынан саҕалаатыбыт эрээ­
ри, уһус эргииргэ өймөкөөннөрдүүн киирсэр буоллубут. Мин салла-
бын, арай Славигым холку: «Борода да киһи ини, тутуллуо», - диир.
Күнүс остолобуойга дьоммутун кытта бииргэ аһыы сылдьан, мин