Page 11 - 13. Кыайыы Боотурдара. Үс сэрии кыттыылааҕа. Оллонов Д.Д. стр.78

1944 сыл от ыйыттан 1945 сыл тохсунньу ыйга диэри, Дмитрий
Даниловиһы Магнитогорскай куоракка, үрдүкү бронетанковай ос-
куолаҕа үөрэххэ ыыталлар. Бу Дмитрий Даниловиһы хаан тохтуу-
лаах, суостаах-суодаллаах сэрии бара турдаҕына, үһүс төгүлүн
үөрэххэ ыытыы этэ.
Дмитрий Данилович 1940—44 сылларга сэриилэспитэ, эмтэмми-
тэ, үөрэммитэ Кыһыл Армия бэйэтин кадровай офицердарын хай-
дахтаах курдук былааннаан, харыстаан, бүөбэйдээн бэлэмнээбитин,
кинилэр байыаннай стратегия, тактика боппуруостарын баһылаа-
һыннарын таба дьүөрэлээн ыытыллыбытын илэ чахчы итэҕэтиилээхтик
көрдөрөр. Ол да иһин Улуу сэриигэ Улуу Кыайыыны ситиспит
эбиппит диэн өйдөбүлгэ эмиэ кэлэҕин.
Үөрэҕин бүтэрэрин кытта Д.Д.Оллоновы 6-с танковай армияҕа
1068 самоходнай артиллерийскай полка командирын солбуйааччы-
нан аныыллар. Онон III Украинскай фронт састаабыгар киирэн
Венгрияҕа, Австрияҕа сэриилэһэр, Вена куораты босхолоһор.
Онтон кини полката II Украинскай фронт дьаһалыгар бэриллэр.
1945 сыл ыам ыйын 9 күнүгэр сарсыарда эрдэ, Прага куоракка
Д.Д.Оллонов танковай полката бастакынан тоҕу көтөн киирэн, Улуу
Кыайыыны онно көрсөр.
Аҕа дойду сэриитэ арҕаа кыайыынан түмүктэнэрин кытта Д.Д.Ол­
лонов полкатын, Верховнай кылаабынай командующай дьаһалы-
нан, Илин Забайкальскай фроггҥа ыыталлар. Онон 1945 сыл атыр-
дьах ыйын 9 күнүттэн, гвардия майора Д.Д.Оллонов, иккистээн
японецтары утары сэриигэ киирэр. Кини полката аатырар Хинган
хайаларын туораан Мукден куораты босхолуур уонна бэйэтэ Мук­
ден куорат коменданынан ананар.
Д.Д.Оллонов Аҕа дойду сэриитигэр хорсун быһыылара Бойобуой
Кыһыл Знамя, икки Кыһыл Сулус орденнарынан, элбэх бойобуой
медалларынан бэлиэтэммиттэрэ. Майор Оллонов армияттан, кадро­
вай офицер быһыытынан 16 сыл устата сулууспалаан баран, 1947
сыллаахха демобилизацияламмыта. Дойдутугар эргиллэн кэлэн 16
сыл устата Ис дьыала министерствотын систематыгар дьаныардаахтык
үлэлээбитэ. Ис дьыала министерствота кини иккис фрона буолбута.
Ол да иһин кинини килбиэннээх үлэтин иһин 1949 сыллаахха
үсүһүн Кыһыл Сулус, онтон 1954 сыллаахха иккиһин Бойобуой
Кыһыл Знамя орденнарынан наҕараадалаабыттара.
Аҕа дойду сэриитигэр, Сож өрүһү Чапаев курдук бааһыран
баран харбаан туораабыт, Сталинград кыргыһыытыгар умайа ту-
рар танкаттан быыһаммыт, Арҕаа Украинаҕа самолеттан сууллан
баран тыыннаах ордубут гвардия майора Д.Д.Оллонов курдук 3
сэриигэ сылдьыбыт саха киһитэ — сэрииһитэ баара биллибэт. Кини
1983 сыллаахха даачатыгар, сахалар ууһут киһи бэрбээкэйинэн да
ууга чачайар дииллэринии, 73 сааһыгар сүүрэ-көтө сылдьан хо-
молтолоохтук быстах оһолго түбэһэн, күн сириттэн суох буолбута.
Баара буоллар 2000 сылга 90 сааһын туолуохтаах этэ.
Дмитрий Данилович Оллонов куруутун дойдутугар, дьонугар-
-------------------------------------------------------------------------------------------- 81