Page 24 - ОДД Номоххо киирбит буойун

Г.К. Жуков анаммыта. Бэс ыйын 22 күнүттэн саҕалаан өс-
төөх уонна биһиги күүстэрбит 100-түү, 120-лии самолетта-
ра салгыҥҥа кыргыспыттара. Түөрт күннээх салгыҥҥа
сэриилэһиигэ эбиллэн 200-тэн тахсалыы самолет кыргыспы-
та. Японнар бу кыргыһыыларга 64 самолету сүтэрбиттэрэ.
Салгыҥҥа хотторон да санааларын булгуруппатахтара. От
ыйын саҥатыттан 36 тыһыынча киһинэн, 310 орудиенан,
145 танканан, 200-тэн тахса самолетунан кимэн киирбит-
тэрэ. Өстөөх кимэн киириитин үлтүрүтэр Халкин-Гол илин
өттүнээҕи плацдармы биэрбэт туһуттан советскай-монгольскай
сэриилэр харда күүстэрин түмүммүттэрэ. Кыргыһыы Баин-
Цаган хайа илин өттүгэр туһаайыллыбыта. Японнар сэриигэ
бүк кыайабыт диэн санаммыттара. Нууччалары хайдах кур-
дук урусхаллыылларын көрдөрөөрү, атын дойдулар коррес-
понденнарын ыҥырбыттара. Кинилэр ортолоругар гитлеров-
скай Германия уонна фашистскай Италия корреспонденнара
бааллара.
От ыйын үс күнүгэр Баин-Цаган хайаҕа икки өттүттэн
сөҕүмэр күүс түмүллүбүтэ. Ол үрдүнэн өстөөх советскай-
монгольскай сэриилэри үс төгүл баһыйара.
Старшай лейтенант Д.Д.Оллонов мотострелковай ротата 9-с
броневой биригээдэ састаабыгар баара. Өстөөх саҥа күүстэрин
утары көрсөөччүлэринэн кинилэр буолбуттара. Кинилэргэ
көх-нэм буолан, Халкин-Гол нөҥүө өттүгэр биһиги артил-
лериябыт Баин-Цаган хайаҕа күүстээх уоту аспыта. Биһиги
авиациябыт салгыҥҥа тахсыбыта. Халкин-Гол илин өттүгэр
биһиги сэриилэрбит үс линиялаах оборонаны оҥостунан сы-
таллара. Олор иннилэригэр пограничнай заставалар таста-
рыгар Д.Д.Оллонов ротата баара. Пограничниктарга көмөҕө
хаалларыллыбыта. Д.Д.Оллонов чуҥнуур пуунтан тыҥ хатыы-
та киниттэн 300-кэ миэтэрэ уҥа өттүгэр кумах булгунньах
уонна ото-маһа суох халтаҥ хонуу-куйаар сири биноклунан
чуҥнаан көрбүтэ. Борук-сорукка бары-барыта холбоһон, сил-
бэспиккэ дылы дьирбиилэнэн иэмэ-дьаама биллибэтэ. Хал-
лаан сыыйа сырдаабыта. Күн саһарҕата саҥардыы тэтэрэн
эрдэҕинэ, биноклунан корө олорор Д.Д.Оллонов ырыых-
ыраах арыы тыа биллэ-биллибэттик дьигис гына түллэҥнээн
ыларын бэлиэтии көрбүтэ: «Хантан кэлбит арыы тыатай»
дии санаабыта. Ханан да маһа суох хонуу куйаар. Биноклу­
нан олус уһуннук кыҥастаһан ырааҕы көрө сатаабытыттан
20