Page 29 - ОДД Номоххо киирбит буойун

Унньуктаах уһун күн эмиэ сэрии уотугар ааспыта. Өстөөхтөр
анаан минометунан бултаһаннар, рота элбэх пулеметчигын
сүтэрбитэ. Ыарахан балаһыанньа үөскээбитэ. Маны өстөөххө
биллэрбэт сорук турбута. Оллонов пулеметтары саҥаттан саҥа
сиргэ уларытан туруортарбыта. Бэйэтэ икки пулеметчигы ил-
дьэ, окуопа устун сүүрэ сылдьан пулеметунан ытыалаабыта.
Рота уҥа-хаҥас өттүнэн өстөөхтөр то§о көтөн киирбиттэрэ.
Төгүрүктээһиҥҥэ түбэһэр куттал суоһаабыта. Өстөөх үс күн
быыстала суох кимпитэ. Өстөөхтөр кимэн киирдэхтэрин ах-
сын пулемет, бинтиэпкэ уотунан көрсүбүттэрэ. Күн киирэн
ыас хараҥа бүрүүкээбитэ. Командир байыастарга уоту аһа
сыталларыгар бирикээстээбитэ. Окуопа устун сылдьан төһө
киһилээҕин, сэптээҕин-сэбиргэллээҕин быһаарбыта. Баара эрэ
36 киһилээх, 6 пулеметтаах хаалбыт. Санааҕа баттаппыта.
Күүс бүппүт. Хайдах гыныахха? Үс күннээх түүн утуйбакка,
сынньаммакка, байааттаҥнас этэ. Күннэри-түүннэри сэрии.
Халтаһалара силбэһэн түлэс-балас буолуталаан ылаттыыра.
Окуопа түгэҕэр түһэн утуйан иһэн, аттыгар пулемет ытан
бөтүгүрээбититтэн соһуйан уһуктубута. Бастаан ханна баа-
рын билбэккэ хараҕын быһыта симмэхтээн ылбахтаабыта.
Им балай хараҥа. Рота уҥа-хаҥас өттүгэр биһиги дьоннорбут
бааллара биллибэттэрэ. Ыппаттара. Японнар дэҥ ытан ылал-
лара. Сыап устун сержант Иванову ыҥыттаран ылбыта.
— Японнар биһигини төгүрүйэн эрэллэр быһыылаах. Ол
иһин ракетницанан халлааны сырдаппаттар. Онон бирикээс-
тиибин: байыастары уһук хоту пулемекка түргэнник мус.
Онно баар кэдээлинэн үһүс линияҕа тахсыҥ. Мин икки пу-
леметчиктыын эһигини суолгутун сабан, окуопаттан тахсан
барбыккыт кэннэ, уонча мүнүүтэ хаалан өстөөхтөрү аралдьы-
тыам. Эһиги кэдээл устун түөрт сүүсчэкэ миэтэрэни бардах-
хытына, булгунньах кэлиэ. Ол кэтэҕэр биһигини уон биэс
мүнүүтэ күүтээриҥ. Кэлбэтэхпитинэ, уһуннук кэтэһэ барбак-
ка, байыастары үһүс линияҕа таһаар.
— Табаарыс старшай лейтенант, мин хаалыым. Эн...
— Суох, сатаммат. Бирикээһи толор.
Байыастары бэрт түргэнник хомуйан уһук хоту пулемет
диэки субуспуттара. Аҕыйах мүнүүтэ буолан баран, уһук
пулеметтан уһун уочараты биэрбиттэрэ. Ити аата окуопат­
тан тахсыбыттара. Байыастар бастаан сэрэнэн, онтон хар-
са суох сүүрэн булгунньахтарын чуо булбуттара. Ол кэмҥэ
25