Page 26 - ОДД Номоххо киирбит буойун

куймахыс гынаат, буруолаабытынан сиргэ сууллан түспүтэ.
Уотунан кутаалана умайа сыппыта. Бу кэмҥэ байыаста-
ры массыыналарынан аҕалтаан инники кирбиигэ киллэр-
биттэрэ.
Рота оннун булан кыргыһыыга бэлэм буоларын кытары
өстөөх танкалара көстүбүттэрэ. Олор кэннилэриттэн аата-
ахсаана суох сатыы сэрии. Киһи көрө дьулайар суоһар
көстүүтэ эта. Старшай лейтенант Оллонов сыап устун рота-
тыгар бирикээстээбитэ.
— Танкалартан уолуйумаҥ. Орудиеларынан уотта аһыҥ.
Чугаһаатахтарына гранаталарынан көрсүҥ. Олус ыктахтары-
на пулеметтары окуопаҕа ылан хаптайан биэриҥ. Буора кы-
таанах. Куттанымаҥ. Тугу да гыныахтара суоҕа, — командир
чиҥ холку куолаһа сытааччылары уоскуппута. Орудиенан
ытыалаабыттара. Бастакы иһэр танкалар табыллан үллэкис
гынаат, өһөх хара буруонан умайбыттара. Ол үрдүнэн өстөөх
танкалара саба халыйан киирдэр киирэн испиттэрэ. Окуо-
палартан гранаталар кыырайбыттара. Табыллыбыт танка­
лар уотунан күүдэпчилэммиттэрэ. Ол икки ардыгар уотунан
силлиэрэр пулеметтар окуопалар истэригэр тимирчи тардыл-
лыбыттара. Төлө көтөн киирбит танкалар окуопалары туора-
уһаты өтүүктээбиттэрэ. Ол сылдьан сорохторо уокка былдьа-
ныллыбыттара. Сорохторо төннүбүттэрэ. Өстөөх саллааттара
пулеметтар «ах» барбыттарыттан танка өтүүгэр түбэстилэр
быһыылаах диэн эр ылбыттара. Ый-хай хаһыы бөҕөтүнэн
халҕаһалыы кимэн испиттэрэ.
— Пулеметтарынан, бинтиэпкэлэринэн бары уоту аһыҥ! —
командир Оллонов бирикээһэ сыап устун тарҕаммыта.
Станковай, ручной пулеметтар, бинтиэпкэлэр өстөөххө
күргүөмнээх уоту аспыттара. Өстөөх бастаан иһэр сыаба сыл-
бах курдук охтубута. Атыттара хаптас гынан сиргэ сытан,
киирбит кирбиилэриттэн чугуйбакка, төбөлөрүн буорга ан-
ньан окуопа хастан бөҕөргөтүнэр аатыгар барбыттара. Онно
орудиеларын, пулеметтарын туруоран уоту аспыттара. Төһө
да элбэх сүтүктэннэр, өстөөх саҥаттан саҥа күүһү киллэрэн
испитэ.
Түүнүгэр өтөрүнэн буолбатах күүстээх этиҥнээх ардах
түспүтэ. Сэрии тыаһын этиҥ ньиргиэрэ сабырыйбыта. Онон
туһанан японнар кимэн киирбиттэрэ. Биһиги байыастарбы-
тын чаҕытаары хараҥаҕа таанкаларын фараларын холбоон
9 9