Page 35 - ОДД Номоххо киирбит буойун

ра. Полк 41-с армия, калин 13-с армия састаабыгар киллэ-
риллибитэ. Танка тиийбэт буолан, 55-с танковай дивизияны
мотострелковай полкаҕа уларыппыттара. Полк командиры-
нан подполковник Солдатов буолбута. Дмитрий Оллонов мо­
тострелковай рота командирынан анаммыта. 55-с мотострел­
ковай полк 41-с армия 219-с мотострелковай дивизиятыгар
киирэр. Халкин-Гол сэриитин геройа, Бойобуой Кыһыл Зна­
мя орденнаах кадровай офицер, старший лейтенант Дмитрий
Данилович Оллонов фашистары кытары сирэй көрсүһэн сэ-
риилэһиитэ бэс ыйын 30 күнүгэр 1941 сыллаахха Белорус­
сия сиригэр, Гомельскай уобаласка Барсуковка дэриэбинэтин
көмүскэһиигэ буолбута. Биһиги чаастарбыт чугуйар кэмнэ-
ригэр, оччотооҕу байыаннай кэм көрдөбүлүнэн, Д.Д. Оллонов
хамаандалыыр ротатыгар мүччүрүйбэт кытаанах сорудах
бэриллибитэ. 55-с мотострелковай полк чугуйан саҥа пози-
цияны ылынарыгар кыады биэрэн, өстөөх кимэр күүстэрин
бэйэнэн хахха буолан тохтоторго. Өстөөх бу кэмҥэ сирэйэ-
хараҕа суох кэлтэй кимэрин эрэ билэрэ. Пулемет, миномет
уотунан Оллонов ротата сытар позициятын төбөнү өндөппөт
гына тибиирдибиттэрэ. Балаһыанньа аһара ыараабыта. Дьиэк
биэрбэккэ субу кинилэр сытар окуопаларыттан саба түһэр
балаһыанньа үөскээбитэ. Станковай пулемекка сытар байыас-
тара уоту аһыахтаах позицияларыттан чугуйан эрэллэрин
командир бэлиэтии көрө охсубута. Буулдьа ыйылыырын,
снаряд, мина оскуолактара тибиирэ туралларын аахсыбак-
ка, чугуйааччылары тохтото ыстаммыта. «Табаарыстаргытын
быраҕаҕыт дуо?! Куттанныгыт дуо?!» — кинилэртэн суостаах-
тык ыйыппыта. Соһон иһэр пулеметтарын уоту аһыахтаах
позицияларыгар төттөрү соспута. Пулеметчиктара саҥата
суох командирдарын кэнниттэн сырсыбыттара. Хайыы-үйэ
фашистар кимэн иһэр сыаптара уоту аһар позицияларыгар
чугаһаабыттара. Командир пулемекка сыта биэрээт, пуле-
метын лиэнтэтэ бүтүөр диэри өстөөхтөр сыаптарыгар уоту
аспыта. Өстөөх атаакатын төттөрү охсубуттара. Бу кэннит­
тэн пулемету ситэн кэлбит байыастарыгар биэрбитэ. Төһө
немеһи пулеметун уотунан сууһарбытын чуолкайдаһан ааҕар
түгэн суоҕа. Киэһээҥҥэ диэри өстөөх оҥосто-оҥосто түөртэ
төхтөрүйэн күүстээх атааканы оҥорбута. Күн аһара куйааһа.
Хаан, көлөһүн, бадараан бииргэ булкуспуттара. Өстөөх атаа-
калара төттөрү охсуллубуттара. Ол эрээри Оллонов хамаанда-

31