Page 31 - ОДД Номоххо киирбит буойун

Советскай-монгольскай сэриилэр иннилэригэр өстөөҕү бү-
тэһиктээхтик үлтүрүтэр сорук турбута. Саҥаттан саҥа күүс-
тэр аҕалыллыбыттара. Киһи да, техника да өттүнэн өстөөҕү
балтараа бүк сабырыйар күүс түмүллүбүтэ. Атырдьах
ыйын 20 күнүттэн фронт былаһын тухары кимэн киириини
саҕалаабыттара.
Трушников батальона, онно Д.Д. Оллонов хамаандалыыр
ротата атырдьах ыйын 19 күнүгэр хотугу сэриилэр бөлөх-
төрүгэр полковник Шевиков хамаандатыгар бэриллибиттэ-
рэ. Түүн Оллоновка комбат Трушников, батальон комиссара
Марков, штаб начальнига Сивокон кэлэн сорудах туруор-
буттара: артиллерия, авиация уотун өйөбүллэрин кэнниттэн
ӨСТӨӨХ обороналанар маҥнайгы линиятын сэриилээн ыларга
уонна салгыы Пауль үрдэлгэ барарга. Кинилэр иннилэри­
гэр японнар күүскэ бөҕөргөтүнэн сыталлара. Сорудах ылан
кэлэн, Оллонов саллааттарын иннигэр буолуох^аах сэриигэ
тугу гыныахтаахтарын быһаарбыта:
— Кимэн киирэр кэмҥэ бэйэ-бэйэни уотунан өйөһөн кии-
рэргэ, өстөөх уоту аһар туочукаларын көрдөргүт эрэ бары
күүһүнэн тутатына суох гынарга.
Аҕыйах мүнүүтэ буолаат, комбат телефоннаабыта:
— Дмитрий Данилович, саҥа сорудаҕы ыл. Халлаан сыр-
даатар эрэ, ракетанан сигнал биэриэхтэрэ, оччоҕо тардыл-
лыбакка Орди үрдэлинэн кырааныыссаны кыйа Номон-Хап-
Бурд-Обо туһаайыынан кимэн, өстөөх бөлөҕө чугуйар суолун
быс. Узур-Нур күөл оройуонугар баар кини ыскылааттарын
суох гын. Сорудах өйдөнөр дуо?
— Өйдөнөр, табаарыс капитан.
— Бирикээһи толор.
9-с броневой биригээдэ атырдьах ыйын 22 күнүгэр фронт
хоту учаастагар Халкин-Голу туораан өстөөх фронун тоҕо көп-
пүтэ. Манчжурия территориятыгар киирэн, Узур-Нур күөлгэ
өстөөх уматыктаах базаларын ылбыта. Танкалар өстөөх авто-
колонналарын урусхаллаабыттара. Уматыктаах, сэрии сэп-
тээх ыскылааттары умаппыттара. Өстөөх уматыга, сэрии сэбэ
суох хаалан, утарылаһар дьоҕурун сүтэрбитэ. Нөҥүө күнүгэр
Д. Оллоновтоох Номон-Хап-Бурд-Обо тоҕой бөҕөргөтүнүүтүн
ылан, японнар илин чугуйар суолларын олоччу быспытта-
ра. Соҕурууттан кэлбит биһиги чаастарбытын көрсүбүттэрэ.
Төгүрүтүллүбүт өстөөх чаастарын урусхаллааһын саҕалам-
27