Page 36 - ОДД Номоххо киирбит буойун

лыыр ротатын байыастарын кэккэлэрэ аҕыйаабыта. Халлаан
хараҥарбытын эра кэннэ, рота бэйэтин позицияларыттан чу-
гуйан, өстөөх төгүрүктээһиниттэн тело көппүтэ. Күн аайы
кимэр өстөөхтөрдүүн Речица, Злобин, Пропойск куораттар
оройуоннарыгар киирсии. Түптээн утуйбаттан хааман иһэн
утуйуу, аһара илиста сылайыыттан атаҕы нэһиилэ сыҕарытар
буолуу элбээбитэ. Салгынтан өстөөх мессершмиттэрэ кинилэр-
тэн арахпакка буомбалыыллара, пулемет уотунан куталлара.
Ол да үрдүнэн, кини байыаннай дьыаланы билэринэн, хамаан-
далыыр бэйэтин ротатын мүччүргэннээх быһылааннартан
сэриилэһэр дьоҕурдарын сүтэрбэккэ таһаартаталаабыта. От
ыйа, атырдьах ыйа быыстала суох сэриилэһэ-сэриилэһэ күн
ахсын чугуйууга ааспыттара.
Сэриигэ төрүккүттэн үөрүйэх, Халкин-Гол сэриитин ге-
ройа Д.Д. Оллонов өйүттэн умнуллубат суостаах киирсиһиилэр
салгыы, Сож өрүс уҥа эҥээригэр буолуталаабыттара. Танкалар
танкалары урутаан ыппыттара быһаарар, алдьатыһар, ума-
тыһар ыгыта киирсиһиилэрэ манна буолбуттара. Окуопаҕа сы-
тар, ытыалаһар байыастар үгүс ытыыттан уҥа иэдэстэрэ хаҥас
иэдэстэринээҕэр харааран хаалбыта. Нэдиэлэ анараа эрэ өт-
түгэр үүнэн турбут баараҕай ойуурдар буомба, снаряд, мина
харса суох алдьатыыларыттан киһи хаххаламмат да гына үлтү
кумаламмыттара.
Атырдьах ыйын 14 күнүгэр киэһэлик полк командира под­
полковник Солдатов батальон, рота командирдарын ыныран
ылбыта. Бу суостаах күннэргэ Д.Д. Оллонову автобатальон
комадирынан анаабыта уонна мотострелковай дивизия Сож
өрүһү туорууругар кыаҕы биэрэригэр бирикээстээбитэ. Авто­
батальон аата эрэ автобатальон этэ. Адьас аҕыйах, тарбахха
баттанар массыыналардааҕа, танкалардааҕа. Кини хамаанда-
лыыр автобатальона, өрүс арҕаа эҥээригэр хаалан, Сож өрүһү
туоруур муостаны көмүскүөхтээҕэ. Суоллар быһыта охсуһар
сирдэригэр өстөөҕү тохтотон, биһиги чаастарбытыгар чугу-
йар кыаҕы биэриэхтээҕэ. Сож өрүһү туоруур муостаны кини
баар 219-с дивизията эрэ буолбакка, 41-с армия атын эмиэ
чугуйар чаастара күннүктээн туораабыттара. Аһара куйаас
этэ. Утаппыт саллааттар өрүс уутуттан харса суох ыймахтаан
ааһаллара. Немец разведчик самолета үрдүлэрин.эн кэлэрин
зенитчиктэр ытыалыыллара. Сарсыардатын буомбалаабыт
немец бомбардировщиктара аны муостаны буомбалаабат

32