Page 2 - П.А. Ойуунскай тереебутэ 100 сылын туолуутугар. Ахтыылар

буолбатах эбит. Баҕар Ойунскай «Кыһыл ойуунун аатын, сорох сюжеттарын онтон
ылбыта буолуо дуо? Диэн санаа үөскүүр.»

П.А. Ойунскай биир бириэмэҕэ Танданан, Баайаҕаҕа барбыта үһү диэн кэпсээни
истэрим.

1936 сыллаах балаҕан ыйыгар буолбут, П.А. Ойунскай кыттыылаах ыһыахха
сылдьыбытым туһунан ахтыы.

Мин ити саҕаны II-бэр сылдьарым. Чараҥ начальнай осколатын 2-с кылааһыгар
үөрэнэ киирбит сылым. Сайынын пионерскай лааҕырга олорбутум. Лааҕыр
начальнигынан Мигалкин Василий Николаевич, баһаатайдарынан: Крылов Семен II уонна
Гаврильева – диэн эдэркээн кыыс үлэлээбитэ. Оччолорго Чараҥ лааҕыр оҕото
сынньанарыгар бары өттүнэн табыгастааҕа. Дьиҥ чахчы айылҕа барахсан анаан айбыт
кэрэ миэстэтэ этэ. Ол да иһин, маҥнайгы оройуон лааҕырын 1930 сыллаахха манна
астахтара. Оройуон I –гы улуу ыһыахтара Тыгын саҕаттан манна ыһылыннахтара.

Ити сайын биһиги лааҕырбыт оҕолоро буору томтотон, кырыһынан сабан, улахан
сулус оҥорбуппут. Сулус ортотуттан уһун ураҕаска тиириллибит кыһыл былаах
сааллыбыта. Былаахпыт быанан таһаарыллар уонна түһэриллэр этэ. Ити ыһыахтыыр
трибуна кэннигэр хатыҥ чаран кытыытыгар оҥоһуллубута. Ол билигин да бэрт үчүгэйдик,
хатыҥ мас төгүрүһүү сэлэлии үүнэн, онон хаймыыланан сытар. Бу аттыгар биһиги
костердуубут. Ити сулус арҕаа өттүнэн улахан трибуна оҥорбуттара. Ол трибуна маһынан
оҥоһуллубут көлөһөлөөҕө. Трибуна арҕаа өттүгэр билиҥҥи аэропорт диэки өттүгэр,
үнкүүлүүр площадка оҥоһуллубута. Таһыгар спалиҥка диэн баҕана төбөтүгэр түөрт быа
бааллыбыт, аллараа төбөтө туһахтыы бааллыбыт, өтүү курдук быа. Онно аҥаар атаххын
ол туһах иһигэр уган олорон баран төрдүө буолан ойон эргийэҕин. Итиннэ биһиги күнү
быһа оонньуурбут. Нэлээн хатыҥын иһигэр биир спортивнай площадка, билигин икки
этээстээх уопсай турар сиригэр арыы хатыҥ баара. Онно эмиэ биир спорт площадка баара.
Биһигини онно дьарыктыыр этилэр. Онно кольцо, канат, тардыһан тахсар баҕастар,
брусья, козел, спалиҥка о.да. атын тэриллэргэ аналлаах араас инвентарьдар бааллара.
Нэлээн хатыҥын иһигэр толору табаар атылыыр ларектар, арыы хатыҥын тула плакат,
лозун араас киэргэллэр оҥоһуллубуттара.

Ыһыах түөрт күн барбыта. Ыһыах бастакы күнүгэр биһигини, пионердары уонна
октябренноктары, горкалаах, барабааннаах трибуна киинигэр хонууга олоппуттара. Онно
мин көрдөхпүнэ сэлээппэлээх, мааны таҥастаах дьону кытта, якутскайдааҕы нац. Военнай
оскуола курсаннара уонна милициялар бааллара. Трибунаҕа мин оччотооҕу таҥаһа – саба
суох оҕо көрүүтүгэр олус интэллигиэнтнэй дьон мустан тураллара уонна тыл эппиттэрэ.
Туох туһунан этэллэрин оччолорго болҕойон истибэтэҕим. Миитин кэнниттэн трибуна
иннинэ көнө хонууга киэҥҥэ дьон төгүрүктээн турар улахан элбэх киһилээх түһүлгэтин
ортотугар тустуу, хапсаҕай, кылыы, ыстаҥа куобах, мас тардыһыыта, сибииһэс көтөҕүүтэ
о.д.а. оонньуулар олус көхтөөхтүк барбыта, ити кэмҥэ сорох дьон сымыыт
охсуһуннарыытын маассабайдык тэрийбиттэрэ. Кыаттарбыт сымыытын биэрэрэ. Ол иһин
олус кыһыылаах киирсии буолара. Биһиги оскуола оҕолоро онно эмиэ кыттыбыппыт.
Итии аһылыкка биэрэр сымыыттарын сиэбэккэ кэлэн охсуһуннарбыт. Киэһээтин ат
сүүрдүүтэ. Билигин Бааскайдаан диэтин арҕаа өттүнэн ыла Майаҕаска Саллаат күөлүн