Page 3 - П.А. Ойуунскай тереебутэ 100 сылын туолуутугар. Ахтыылар
P. 3
соҕуруу үрдүгэр диэри уһун биэтэт, биир кылгас биэтэт Өлөҥ атах складын илин өттүгэр
диэри этэ. Ат сүүрэр сирэ икки бааһынаны быыһы бүтэйдэммит уһун улуусса этэ.
Дьоннор ол бүтэйгэ олорон аттар сүүрүүлэрин көрөллөрө. Тахсыы биэтэт Чараҥ арҕаа
өттүгэр Иэкэттэ Ньукулай- Бурцев Николай Петрович дьиэтин хоту өттө. Ат сүүрүүтүн
түүнү быһа барара.
Ыһыах бастакы күнүгэр самолет, листовка түһэрбитэ. Итиннэ биһиги самолет
диэни аан бастаан көрбүппүт . Түспүт листовкалары эккирэтэ сылдьан хомуйбуппут. Туох
туһунан суруллубутун өйдөөбөппүн.
Аны ыһыах түһүлгэтигэр национальнай военнай оскуола курсаннара винтовканан
оонньоон көрдөөбүттэрэ. Араас военнай хамсаныылары фигуралары көрдөрбүттэрэ
биһиэхэ олус сонун этэ.
Ыһыах атын күннэригэр Буочара айабыттан арҕаа сытыган аппа чугаһыгар диэри
балаакканан уонна отуунан түһэн олорон сүөһү өлөрөн, ол этин чугуун олгуйдарга
буһаран атыылыыр дьону кэрийэ сылдьан көрбүппүт. Ол дьон биһиэхэ буспут ынах
этинэн уонна миининэн босхо күндүлүүллэрэ. Чараҥ арыытын собуотугар баран
куопсугунан сүөгэй уутун тото-хана испиппит. Нэлээҥҥэ киирэн ларектартан биэ
кымыһын, кэмпиэт, үөлбүт балык о.д.а. бэриһиннэрэн күнү быһа аһыы сылдьарбыт. Ол
барыта дьон босхо бэссиитэ буолара.
Бу түөрт күн устата оонньуу көр көҕүлүттэн тутуллубута. Оҕолорго биһиэхэ эгэ эрэ
буоллаҕа. Биир тылынан этэххэ «Омоллоон олоҕо, дэргэстэй ыһыаҕа»-диэн онно
буолбута.
Ахтыыны оҥордум үлэ, сэрии ветерана Орлов Н.А. 68 сааспар.
Чараҥ Олунньу ый 25 күнэ 1993 сыл.
