Page 3 - СЭРИИГЭ СЫЛДЬЫЫМ ТУьУНАН АХТЫЫ

вагоннарыгар олордон таас чохтоох Иркутскай уобалаһын Черемхова куоратыгар
пленнэйдэрбитигэр здаайдаабыппыт. Мантан биһиги Монголияҕа бэйэбит чааспытыгар
төннүбүппүт.
Мукден куоракка тиийбиппит кэннэ биһиэхэ наградаҕа түһэрбиттэрин туһунан
строй иннигэр таһааран иһитиннэрии оҥорбуттара. Онно миэхэ «За боевые заслуги»
медальга түһэрбиттэрин биллэрбиттэрэ. Итини сэргэ «Улахан –Хинганы туорааһыҥҥа
хорсун быһыыны көрдөрбүтүн иһин» И.В.Сталинтан махтал суругу туттарбыттара. Ол
эрээри ити медаль күн бүгүҥҥээҥҥэ диэри туттарыллыбатаҕа. Ити сэриигэ мин
«Японияны кыайыы иһин», Монголия народнай республикатын «Японыг ялсны төлөө»
медалынан, отличный минометчик диэн значогунан наҕараадаламмытым.
Сэрии кэнниттэн 1948 с. дойдубар кэлэн, «Кыһыл- Маяк» колхоз комсомольскай
тэрилтэтин секретарынан, Якутскайдааҕы үс сыллаах колхозтар председателлэрин
бэлэмниир оскуоланы бүтэрэн баран, «Малеенков» колхоз агрономунан, солбуйар
председателинэн, бригадирынан онтон председателинэн, 1958-60 сс. Партизан Егоров
колхоз солбуйар председателинэн, 1961 с. Хабаровскайдааҕы үрдүкү партийнай оскуола
истээччитинэн, 1962 -63 сс. Чараҥнааҕы комплекснай биригээдэ биригэдьииринэн, онтон
Октябрь колхоз кыл. агрономунан, Партизан Заболоцкай аатынан колхоз экономиһынан,
Маяк колхоз председателинэн, Г. Егоров аатынан колхоз парткомун секретарынан, 1968-
79 сс. тыа хаһаайыстыбатын производственнай управлениетын ст. мелиораторынан,
Сардаҥа совхоз кормопроизводствоҕа солбуйар директорынан, Чараҥ биригээдэтин
старшай бригадирынан, Уус-Алдан ньүөлсүтүллэр системаны эксплуатациялыыр
тэрилтэтин маастарынан үлэлээн пенсияҕа тахсан олоробун. Билигин нэһилиэгим
историятынан дьарыктанабын.

Ахтыыны оҥордум: Орлов Николай Алексеевич
Чараҥ 27.05.94 сыл