Page 105 - Василий Сивцев. Производство хамандыырдара

таһаартараары гынабыт. Ону эн
туох дии саныыгын?
-Үрэх сирдэр хойуутук, биир
тэҥник үчүгэйдик өрө астылар. Ки-
стэл буолбатах, от үүннэ, үлэлиэххэ
эрэ наада.
— Сөпкө этэҕин, үлэлиэххэ эрэ.
Биһиги онтон туора турбаппыт,
тэрээһин боппуруостарга көмөлө-
һүөхпүт. Өссө атын отделениелары
окко көһөрөн таһааран оттотор бы-
лааннаахпыт. Итиниэхэ туох этии-
лээххиний?
— Уопсай дьыала интэриэһигэр
сөбүлэһэбин. Санаабыт курдук өрүү
үтүө үүнүүлээх дьыллар кэлбэттэр.
Биһиги даҕаны оттооторбут ханнык дэһэ сылдьабыт, — диир от үүнүү-
түттэн санаата өрө көтөҕүллүбүт, бииргэ оттуурга бэлэмин биллэрэр
Владимир Михайлович.
Өҥ быйаҥ сайын Курбуһах сиригэр-уотугар эргийэн өтөх аайы өл-
гөм ача өрүкүйэ үүннэ. От үрэхтэргэ дьоруо аты тобугунан охсуллар
солко нуолур оттор суугунаһа долгуһаллар. Онон, тыа дьоно сүргэлэрэ
көтөҕүллэн, сүрэхтэрэ тэбэн, кырдьаҥастыын-эдэрдиин кунай хотууру
туппутунан ходуһаҕа киирбиттэрэ ыраатта. Толооннорго, ходуһаларга
халлаан сулуһунуу араас быһыылаах-таһаалаах бугуллар бачыгыраа-
быттар, ньолбоҕор сымыыттыы түстэммит бэртээхэй кэбиһиилээх от­
тор «мин ордукпун эбээт» диэбиттии кэчигирэспиттэр.
— Көр, эрэ, күөх сайын барахсан үтүөтэ элбэҕин, — Владимир Ми­
хайлович быйылгы уйгу быйаҥтан дьоно-сэргэтэ дуоһуйа от да оттооту-
лар, үүт да ыатылар, күһүҥҥү хомуур да куһаҕана суох буолсу, оҕуруот,
сир да аһа баар буолууһугуттан саха киһитин сиэринэн үөрүүтэ улахан.
Мааҕыын сарсыарда эрдэ Баһылай Хаппыырын салайар сылгыһыттар
звеноларыгар сылдьыбыта. Сылгыһыттар сыл тахсар отгорун номнуо чө-
көппүттэр. Хата, маладьыастарын биир да оту ардахха былдьаппатахтар.
Билиҥҥитэ бастакы хотуур ото. Хаачыстыбатын туһунан этэ да барбаккын.
— Былырыын баччаҕа быыстала суох ардаан, күн уота букатын
өһөн хаалбыта. Айылҕа күүһэ-күдэҕэ диэн баһаам буоллаҕа эбээт.
Үчүгэйиттэн көрөн бэрсэр быһыылаах дуу? — диэн Баһылай бэйэтит-
тэн бэйэтэ ыйытарга дылы. Баһылай Ньукулаайабыс сылгыһыттар зве-
ноларын салайбыта ыраатта. Ол былаһын тухары сылгыттан үрдүк бо-
родууксуйаны ылаллар. Сылгылара Харалаайы эбэ эркин сылдьаллар.
Айылҕа оҕото барахсан үтүө дойдуну билэр да буоллаҕа. Уута-хаара дэ-
лэйэ, хаһыыта, мэччирэҥэ киэҥэ, куһа-хааһа. булда-алда элбэҕэ киһи
103