Page 102 - Василий Сивцев. Производство хамандыырдара

Сылаас тыынынан илгийэр...

Быһыттаҕас былыттары арҕааттан үрэр сирилэс тыал төттөрү-таары
саамалыы оонньуур. Кинилэри быыһынан көстүтэлээн ааһар үрдүк күн
үрүлүйэ тохтор үрүҥ көмүс сардаҥалара үс барыылаах булуук элийэн
таһаартыыр хара буорун утаппыттыы уураамахтыыр.
Бэрт кыаллар көрүҥнээх эдэрчи киһи трактор кэнниттэн ситэр-
сиппэт иһэр, ыар булуук бааһына кырсын улахан илистиитэ суох тиэ-
ритэ быраҕаттыырын одуулаһар. Үрдүк сиргэ кэллэҕинэ дириҥник
бастартаан, куоһаахха түбэстэҕинэ чычаастык ылларан, трактор мотуо-
рун тыаһа биир дьүрүлүс бүтүгүрүүр. Ол иһэн эмискэ тохтуу түстэ, пу-
һургуу-пуһургуу иннин диэки дьигис гынна, кыайбакка, көлүөһэлэрэ
биир сиргэ кураанаҕынан эргийдилэр. Батыллыах курдук гынан иһэн,
булуугун өрө көтөҕөн, саал курдук дьогдьойбут арҕас сиргэ ыстанан
таҕыста. Тохтоото. Тракторист түһэн, кыайан ылларбатах сирин чин-
чийэрдии одууласта.
Бу - «Сардаҥа» совхоз Курбуһахтааҕы отделениетын Николай
Дмитриевич Бурнашев салайар үрдүк үүнүү звенотун күннээҕи түбүк-
тээх үлэлэрин билсэ сылдьар управляющайдара Владимир Михайло­
вич Ноговицын. Бэҕэһээ отделение хонтуоратыгар сааскы ыһыы ту-
һунан боппуруоһу дьүүллэспиттэрэ. Быйыл ыарахан дьыл буолара
сабаҕаланар. Дьэ, ол иһин сааскы ыһыы хаачыстыбатыгар салалта
улахан болҕомтотун уурара уруккуттан да баара. Бэҕэһээҥҥи мунньах
уурааҕынан салайтаран управляющай балаһыанньаны билсэ сылдьар.
Звено салайааччыта үлэ туһа диэн баран, биир муннукка ытаабыт киһи.

Производство бастыннарын чиэстээһин.
1 0 0