Page 100 - Василий Сивцев. Производство хамандыырдара

киһи быһыытынан биригээдэ общественнай олоҕор актыыбынайдык
кыттар. 1962 сыллаахха бэйэтэ сөбүлүүр зоотехник идэтин баһылыыр
сыаллаах тыа хаһаайыстыбатын техникумугар үөрэххэ киирэр. 1965
сыллаахха үөрэҕин ситиһиилээхтик бүтэрэн, төрөөбүт оройуонугар
ананан үлэлии тахсар. Ити сыл олоҕун аналын Миитэрэйи көрсөн ыал
буолаллар. Дмитрий Петрович Васильев отуттан тахса сыл устата сылгы
иитиитигэр Бээди биригээдэтигэр сылгыһыттаата. Бу сыллар усталаах-
туораларыгар ыкса ыалынаан Иннокентий Васильевич Слепцовтуун
сыспай сиэллээҕи ахсаан, хаачыстыба өттүнэн элбэтиигэ, сайыннары-
ыга биллэр-көстөр түмүктэри ситиһэн оройуон хае да төгүллээх чемпи-
оннара. Билигин кэлэн санаатахха, Миитэрэй сылгыһыт быһыытынан
олус да бэриниилээхтик үлэлээбит эбит. Бу эҥэр сылгылар хааннара
тупсарыгар кыһыны тулуйумтуо, төрөлкөй төрүөхтээх буолалларын
туһугар олоҕун анаабыт улуус биир бастыҥ сылгыһыта.
Татьяна Константиновна ыал буолан олорбут олоҕор икки оҕо тап-
таллаах ийэтэ, түөрт сиэн солбуллубат эбэлэрэ. Татьяна Константинов­
на билигин төһө даҕаны пенсияҕа таҕыстар урукку үгэһинэн салалтаны
кытары ыкса сибээһи тутуһар. Улууһугар, нэһилиэгэр ыытыллар бары
мероприятиелары биири да көтүппэт, өрүү кыттар, сүбэ-ама биэрэр.
Соторутааҕыта улуус киинигэр Бороҕоҥҥо Улуу Кыайыы 65 сылыгар
аналлаах ветераннар бырааһынньыктарыгар Татьяна Константиновна
үөлээннээхтэрин көрсөн тэҥҥэ үөрбүтэ-көппүтэ, урукку колхоз, со­
вхоз саҕанааҕы өйтөн-сүрэхтэн умнуллубат кэрэ кэмнэрин ахтыһан
ааспыттара. Киһи кэриэс оҥостон илдьэ сылдьар күндү бириэмэлэрин
туохха да атастаспат. «Сөҕүү-махтайыы, өрө көтөҕүллүү, саҥа идея, бы-
лаан өйгөр өй, күүскэр күүс эбиллэр дьикти энергиятынан иитиллэн
үгүспүт олохпут устатын тухары үлэбитигэр сүрэхпит сылааһын, өйбүт-

Сивцевтар дьиэ кэргэттэрэ.
98