Page 80 - Василий Сивцев. Производство хамандыырдара

тизан Заболоцкай аатынан колхоз Тулунатааҕы
отделениетыгар зоотехнигынан ананан үлэлии
тахсабын. Оччолорго управляющайынан «Бочу-
от Знага» уордьаннаах Гаврил Кириллович Коле­
сов бэрт тахсыылаахтык үлэлии сылдьара. Хайа
күн бииргэ үлэлиэхпититтэн уопсай тылы бу­
лан, эн-мин дэсиһэн, өйдөһөн, өйбүт-санаабыт,
үлэбит биир сыалга түмүллүбүтэ. Кинини кытта
үлэлээбит сылларбын үтүө өйдөбүлүнэн ахтабын,
олоҕум биир умнуллубат кэрэ-бэлиэ түгэнинэн
сыаналыыбын. Билигин элбэх сыллар ааспытга-
рын кэннэ санаатахха, «Көрсүө киһи өйө байҕал
дириҥин, халлаан үрдүгүн курдук» диэн өбүгэлэрбит дириҥ махтал тыл-
лара Гаврил Кирилловичка аадырыстаммыт курдуктар...
Салайааччы — бутэрийээччи. Киниэхэ үлэтэрээһинэ, хаһаайыстыба
ылыммыт государственнай былааннарын толорууга бары тэрээһин
үлэлэр, туолуутун хонтуруола уонна туох баар эппиэтэ олоччу сүктэ-
риллэр. Салайааччы көннөрү дьонтон политическай билиитинэн уон­
на общественнай дьыаланы бэйэ интириэһинээҕэр үрдүктүк тутарынан
уратылаах буолуох кэриҥнээх. Ханнык баҕарар бөдөҥ да, кыра да кыам-
талаах хаһаайыстыбаларга үлэ оҥорон таһаарыыта, бу хаһаайыстыба
хаһаайыныттан быһаччы тутулуктаах.
Бэл диэтэр хаһаайыстыба атын аппарат иһинээҕи сорох үлэһиттэрин
уонна рабочайдарын общественнай үлэҕэ сыһыаннара, үлэ дьиссипи-
лиинэтин тутуһуулара хайа эмэ өттүнэн ол хаһаайыстыба хаһаайыныт-
тан тутулуктаах буолар.
Салайааччы — бу дьиҥнээх патриот, кини бэйэтин билиитинэн-
көрүүтүнэн хаһан да үрдүктүк туттубат, үрдүк моральнай уонна духов-
най эйгэлээх общественнай үлэһит буолар. Кини барыбыт дьыалабыт,
олохпут-дьаһахпыт тупсарын иһин бэйэтин харыстаммакка үлэлиир
буолан бар — дьон ытыктабылынан туһанар.
Мин кэпсиир киһим Гаврил Кириллович Колесов салайааччы ирдэ-
биллэригэр толору эппиэттиир киһи.
Хабырыыс 1927 сыллаахха ыам ыйыгар бастакы Лөгөй нэһилиэгэр
Алыһардаах диэн улахан күөл атгыгар сытар Үөттээх диэн сиргэ сэттэ
оҕолоох дьадаҥы ыалга бастакы оҕонон күн сирин көрбүтэ. Аҕата Кири-
ил аҕыйах ынах сүөһүлээх, балыктаан-бултаан оҕолорун иитэр туһугар
сиһин көннөрбөккө хара үлэҕэ умса түһээхтээбитэ. Төрөппүттэрэ
үөрэттэрэр кыахтара суоҕунан уол бэрт эрэйинэн 1940 сыллаахха Мүрү
начальнай оскуолатын үөрэнэн бүтэрбитэ. Элбэх бииргэ төрөөбүттэр
олох кыра саастарыттан олох эрэйин-кыһалҕатын билэ улаатан сэ-
рии уоттаах сылларыгар улахан дьону кытары тэҥҥэ үлэлэһэллэрэ.
Оччолорго 13-14 саастаах уолчаан, оҕо сааһын ойор-тэбэр күннэрэ

78