Page 82 - Василий Сивцев. Производство хамандыырдара

дьоллоох олоххо олорорун туһугар улахан түбүктээх үлэлэри толорсон,
үгүс үөрүүнү да, күчүмэҕэйи да көрсөн кэлбитэ элбэҕин киһи ситэн
аахпат. Кини билигин үлэлиир сааһын үгэнигэр, үлэтин баһылыыр
умсулҕаныгар, абылаҥар ыллара сылдьар. Киниэхэ олохтоох комму-
нистар итэҕэллэрэ, сыанабыллара оччо улахан этэ. Итинник эрэмньи
күүһэ сылын ахсын эдэр киһиэхэ салайааччы быһыытынан сайдарыгар
төһүү күүһүнэн буолбуттарыгар саарбахтааһын суох.
Хабырыыс хонуу биригэдьиирин курдук эппиэтинэстээх үлэни
чиэстээхтик толордор даҕаны, партия иннигэр араас, үрдүк итэҕэллээх
сорудахтары биири да халбаҥнаабакка толортуура элбэх сыраттан-сын-
дааһынтан тахсар буолуохтаах.
Ханна барыай хонуу биригэдьииринэн үлэлиир сылларыгар ку-
раан да дьыллар буолуталаабыттара. Бу ахсын элбэх кыһамньыны
ууруу, тустаах үлэҕэ үгүс күчүмэҕэйдэри көрсүһүү кини кэтит саннын
биирдэ эрэ таптайан ааспатахтара чахчы. Оччотооҕу ыарахан үлэни-
хамнаһы эттэринэн-хааннарынан билэ сылдьар уопуттаах салайааччы-
лар, эдэркээн уон аҕыс саастаах уолу биригэдьииринэн анаабыт үрдүк
итэҕэллэрин түһэн биэрбэтэҕиттэн сөптөөх кадры бэлэмнээн эрэллэ-
риттэн истэригэр үөрэллэрэ. Уоллара үлэҕэ буһан-хатан, инчэҕэй та-
лахтыы эриллэн, ыпсарыылаах ылбаҕай тыллаах-өстөөх, дьаһаллаах
салайааччы буолар чинчилээҕин билэннэр Дьокуускай куоракка тыа
хаһаайыстыбатын орто сүһүөх специалистарын бэлэмниир колхуоһунай
оскуолаҕа үөрэххэ ыыталлар. 1968 сыллаахха ситиһиилээхтик үөрэнэн
бүтэрэн агроном идэтин ылан Партизан Заболоцкай аатынан колхозка,
кэлин Хомустаах биригээдэтигэр биригэдьииринэн ананан үтүө суо-
бастаахтык үлэтин саҕалыыр...
Хомустаахха командировкаҕа тахса сылдьан, кыра бөһүөлэк иһиттэн
киһибитин булар инибит дии санаабыппыт да түргэнник көстө охсуба-
та. Үлэ үлүскэнигэр сылдьар Гаврил Кирилловиһы көрсөр уустуктар-
даах эбит. Хонтуораҕа, дьиэтигэр сырыттыбыт да булбатыбыт.
— Ээ, ол киһи мээнэҕэ бириэмэтин ыыппат, ханна эрэ наадаҕа сы-
рыттаҕа буолуо, хотоҥҥо дуу, объектарыгар дуу эбэтэр мунньахха бар-
даҕа, биир сиргэ түптээн олорбот салайааччы, — дэһэллэр үлэһиттэрэ.
Уулуссанан ат сыарҕатыгар тобус толору оту тиэммит киһиттэн ыйып-
пыппытыгар: «Гаврил Кириллович солбуйааччытыныын Уйбаан Сэ-
мэнэбистиин сарсыарда эрдэ хотоҥҥо барбыттара, букадугу эрэ дьа-
һайа, үлэлии сырыттахтара, — диэт кырыалаах бэргэһэтин устубутугар
көлөһүн сыттаах аһыы салгын муннубутун кычыгылаппытынан бар­
да. Бөһүөлэк кытыытыгар турар хотоҥҥо тиийбиппит, дьоммут са­
йд төрөөбүт ньирэйдэргэ хааччах оҥорон бүтэрэн эрэллэрэ. Ынахтар
маассабайдык төрөөннөр биир ньирэй көрөөччүгэ туттарыллар саҥа
төрүөх баар буолбут. Дьэ, ол иһин тиэтэл муҥутаан биригэдьиир дьа-
һайа оҕустаҕа ити. «Чэ, Сэмэнэбис, эбиэттэн киэһэ Ааныска ыйдарын
80