Page 93 - Василий Сивцев. Производство хамандыырдара

үлэтигэр-хамнаһыгар итинник сыанабылы биэрэрэ оруннаах.Ону таба-
тык туһанар сыалтан биригээдэ быйылгы кыстыкка оройуоҥҥа биир
идэлээхтэригэр ыҥырыы таһааран эмиэ үлэ үөһүгэр түстэ.
«Быа синньигэһинэн быстар, быһах уһугунан тостор» диэн саха өһүн
хоһооно сөрү-сөпкө этэр эбит ээ, — Татьяна Константиновна бэҕэһээ от
тиэйэ барыахтаах уолаттарыгар этии бөҕөнү эппитэ даҕаны улахан суол-
таны биэрбэтэхтэрэ өтүүлэрэ быстан көлөлөөх отторун аара суулларан
бэрт эрэйинэн, сарсыарданан кэлбиттэр. Хата, отторун аҕалбыттар. Би-
ригэдьиир иһигэр ыксыыра, түбүгүрэрэ эмиэ да оруннаахха дылы...
Общественнай сүөһү быйылгы кыстыгар биригээдэ рабочайдара
ыччат сүөһүнү төлөһүтүүгэ, үүтү ыаһыҥҥа, государствоҕа үүтү туттары-
ыга үрдэтиллибит эбэһээтэлистибэ ылынан, биир идэлээхтэрин социа-
листическай куоталаһыыга ыҥырбыт үлэлэрин түмүктүүр эппиэттээх,
тыҥааһыннаах күннэрэ үүннэ. Билиҥҥитэ ыйдарынан тыырыллыбыт
эбэһээтэлистибэ графита тутуһуллан иһэр. Сүөсүһүттэр, ыанньыксыт-
тар ылыммыт сорудахтарын толорууга санаалара бөҕөх, дьулуурдара
улахан. Ол кинилэр ыҥырыыны эрдэттэн коллективка туруоран, са-
нааларын истэн дьүүллэһэн, ырытыһан, баар ис кыахтарын ааҕынан
көрүүлэригэр сытар. Аҥардас биир киһи быһаарыыта буолбатах эрээ-
ри, биригэдьиир Татьяна Константиновна оруола улаханын ахтыбат
буолуохха сатаммат. Сарсыарда эрдэлээн, киэһэ хойутаан үлэһиттэрин
кытары тэҥҥэ үлэлэһэрэ хотоҥҥо хоммот эрэ этэ. Зоотехник идэлэ-
эх биригэдьиир хотон ис-тас үлэтигэр сыһыаннаах боппуруостары
быһаарарыгар элбэх бириэмэтин ыытара. Биригэдьиир диэн хаһан да
бүтэн-оһон биэрбэт ииччэх-бааччах үлэлээх салайааччы буолар. Биир
боппуруос быһаарыллан бүтүөхчэ курдук буолан истэҕинэ, иккис,
үһүс ... ол курдук бииртэн биир мэҥэстэн кэлэн иһэр буоллаҕа. Хата,
бу сайын оту балачча эмэ бэлэмнээбиттэрэ. Кураайы алаас сирдээх-
уоттаах буоланнар, айылҕаттан быһаччы тутулуктаахтар. Дьэ, ол иһин
быһата эбии аһылыкка үөрэнэн, ыччат, ыанньык сүөһүгэ кыайа-хото
оҥорон сиэтэллэр. Кыстык устата 950 тонна үчүгэй хаачыстыбалаах
көөнньөрбөнү оҥорон интенсивной уотууга турар ыччат сүөһүлэригэр
сиэтэн, киһи сөҕөр эбиллиитин ситиспиттэрэ. Аһылык дьыала биир
өттө диэн өйдөбүлүнэн салайтаран Татьяна Константиновна племенной
үлэҕэ уонна искусственнай сиэмэлээһиҥҥэ улахан болҕомтотун уурар.
Онтуката үтүө түмүктэри көрдөрөн, биэрэн эрэриттэн үөрүүтэ муҥура
суох. Ити дьыл «Дүпсүн» совхоз Бээдитээҕи биригээдэтин рабочайдара
кыстыкка биир бороону — 98 кг уоппуттар, биир ынахтан — 1080 кии-
лэ үүтү ыабыттара, валовойунан - 233, государствоҕа — 153 тонна үүтү
атыылаабыттара. Биригээдэ кыстыкка ылыммыт сорудаҕын тоҕус ый
түмүгүнэн чиэстээхтик толорон бэйэтин бөлөҕөр кыайыылааҕынан тах-
сан, ССКП, ЫБСЛКС райкомнарын, райсовет исполкомун көһөрүллэ
сылдьар Кыһыл Знамяларын ылар чиэскэ тиксибитэ.
91