Page 90 - Василий Сивцев. Производство хамандыырдара

эр звеноводтар кыттыыны ылбыттара уонна бэрт үгүс наадалаах этии-
лэри, саҥа сонун санааны киллэрбиттэрэ. Маннык киэҥ далааһыннаах
кэпсэтии түмүгүнэн оройуоҥҥа сүөһү аһылыгын бэлэмнээһиҥҥэ уон­
на хаачыстыбатын тупсарыыга өтөрүнэн өссө оҥоһулла илик кэлим
программата оҥоһуллан сүҥкэн хаһаайыстыбаннай дьаһалынан буол-
бута. Дьон-сэргэ болҕомтотун, сэҥээриитин ылбыт уонна улаханнык
тардыбыт «Угут эргийдэ. Хайдах дьаһанабыт?» диэн Г.К. Колесов ыста-
тыйатын биһирээбит суруктар оройуон бары нэһилиэктэриттэн быыс-
тала суох кииртэлээбиттэрэ.
Хабырыыс айылҕаттан бэриллибит күүстээх-уохтаах киһи этэ. Эдэр
сааһыгар тустуунан утумнаахтык дьарыктана сылдьыбыттаах эрээри,
иллэҥ бириэмэтэ тиийбэтинэн, солото да суоҕунан республиканскай
таһымнаах күрэхтэһиилэргэ ситэ-хото, толору кыаҕын туһанан тусту-
батаҕыттан хомойоро.
Байаҕантай нэһилиэгиттэн төрүттээх Мария Евсеевна Вензеллиин
ыал буолан, дьоллоох олохторугар түөрт оҕону төрөтөн, олох киэҥ
аартыгар үктэннэрбиттэрэ. Улахан уол Кирилл эдэр сааһыгар суору-
ма суолламмыта. Иккис оҕо — Галина Дьокуускайдааҕы ветеринарнай
учаастак сэбиэдиссэйэ, ветеринарнай наука кандидата, кэргэннээх,
икки уола — Семен, Гаврил СГУ студеннара.
Үһүс оҕо — Мария Бороҕоҥҥо үөрэх управлениТгыгар оҕо сайдыы-
тын сүрүннүүр киин директорынан үлэлии сылдьан, ыарахан ыары-
ыттан эдэр сааһыгар хомолтолоохтук өлөн туораабыта. Кэргэннээҕэ,
уола Дьулус онус кылаас үөрэнээччитэ. Саамай аччыгый кыыс, Ва­
лентина — СР национальнай оркестрын артыыската, СР культуратын
туйгуна. Кэргэннээх, кыыстара Лина Саха национальнай гимназиятын
үөрэнээччитэ.
Дьон-сэргэ убаастабылын ылбыт биригэдьиир Хабырыыс орто
бараан дойдуга, олоххо, үлэҕэ ситиспит ситиһиилэринэн төрөппүт
оҕолоро, сиэннэрэ, чугас аймахтара киэн туттуохтарын тутталлар,
олоххо-үлэҕэ суолдьут сулустуу холобур оҥостоллоро кэрэхсэбиллээх.

Үтүө киһи үөлэһэ кыымнаах, өтөҕө төнургэстээх.

эдини ааттаппыт биригэдьиир

Үлэ — олох ис хоһооно
Үлэтэ суох — олох суох
Үлэ диэн дьол доҕуһуола
Үлэтэ суох дьол суох
диэн саха народнай поэта Семен Данилов эппит киэҥ ис хоһоонноох
кынаттаах тыллара тыа сирин хоһуун үлэһиттэригэр бүгүн ордук кэрэ-