Page 41 - Өрүкүйэр сүрэҕэ өрүү инники. (Голиков Николай Леонидовичка ананар)

ҮТҮӨ ДАТА ӨРҮҮ ААТТАНА ТУРУО...
•---4* — ❖ — 4*

Коля, Коля Голиков биһиги дьиэ кэргэн ыкса ыалбыт София уонна Леонид
Голиковтар оҕолоро буолан, харахпыт далыгар улааппыта. Сайынын кыракый
уолчаан биһиги хотоммут кэннинэн кэлэн, тэлгэһэбит иһинэн эбэтэр сүөһүлэр
киирэр сирдэринэн Балыктахская уулуссаҕа тахсан, табаарыстарыгар бара-
ра. Ол баран иһэн, хайаатар да уп-улаханнык дорооболоһон ааһара. Киэһэ
эмиэ ол сиринэн дьиэтигэр төннөрө. Табаарыстарын кытта таптаан оонньуур
сирдэрэ - сиилэс дьаамата. Саас аайы онно уу бөҕө киирэр. Дьаама икки кы-
тыытыгар туран эрэ буорунан да бырахсаллар,төттөрү-таары ыстаҥалыыллар
даҕаны, эккирэтиһэ да оонньууллар, болуот да оҥостон усталлар.
Арай биир саас, үөрэх дьыла бүтүүтэ, алын кылааска үөрэнэр быһыылаах-
тара, мин мае саһаанныы сырыттахпына, эмиэ сиилэс дьааматыгар оонньуу сылдьаллара. Утаакы
буолбата, Коля, Эрсан, Вадим, Анжелика буоланнар сүүрэн кэлэн көмөлөспүтүнэн бардылар. Түргэн
үлүгэрдик саһааммын туруора охсон кэбистилэр. Кэпсээннэрэ-ипсээннэрэ элбэх.Анжелика оччолорго
уһуйаан оҕото этэ. «Хайаҕыт көмөлөһүөххэ диэтэ?» - диэн ыйытабын, ону: «Коля эппитэ», - дэһэллэр.
Бүтээт да, эмиэ сиилэстэрин дьааматыгар оонньуу ыстаннылар. Ити курдук кини кыра эрдэҕиттэн ку-
руук дьоҥҥо көмөҕө кэлэр үтүө санаалааҕа.
Биһиги уонна Михаил Егорович Константинов дьиэлэрбит икки ардынан уулуссаҕа эргэ КП үүт
массыынатын икки систиэринэтэ баара. Саамай сөбүлээн оонньуур сирдэрэ ол буолара. Систиэринэ-
лэрин хаппахтарын аһыы-сабыы, иһигэр киирии-тахсыы. Илиилэрин-атахтарын да кыбытыахтарын
сөбө да, хата,улаханнык ытаабытда, оһолломмутда суоҕа. Сиэн быраатым Бережнев Ганя үөрэх дьы­
ла бүттэ да, Бороҕонтон кэлэн сайылааччы. Ол сайын Ганя Колялыын ити систиэринэлэргэ оонньоон,
былааһы ылбыттара. Кэнники улаатан да баран, доҕордуу буолбуттара.
Киэһэриитэ оҕо-оҕо курдук сороҕор хойутууллар. Оччоҕо аҕата Леонид тахсан: «Колю-оок, Ко-
лю-оок!» - диэн хаһыыта дуораһыйар. Сотору соҕус буолаат, чэпчэки атах тыаһа дьиэбит таһынан
сыбдыгыраан ааһан эрэр буолар.
►
Улаатан баран,уулуссанан ааһан иһэн: «Ынахтаргытбары төрөөтүлэр дуо? Оттоон бүттүгүтдуо?» -
диэн сураһан ааһара. Кини дьиэ-уот үлэтигэр сыстаҕаһа, киһиэхэ өрүү болҕомтолоох сыһыана итин-
тэн да көстөр.
Коля кыра эрдэҕиттэн үлэҕэ эриллибит буолан, улахан киһи курдук толкуйдуур өйдөөҕө. Аны бу-
руй да оҥордоҕуна, ону кырдьыгынан билинэр үтүө өрүттээҕэ.
Найахыбыт киэн туттар ыччата,эр санаалаах Николай Голиков үүнэр көлүөнэ ыччакка үтүө холо-
бур буолан, албан аата ааттана туруо диэн эрэллээхпин.

Зинаида Афанасьевна Константинова,
И.И. Гоголев-Дыргыабай аатынан Найахы орто оскуолатын педагог-психолога,
СӨ үөрэҕириитин туйгуна, СӨ мэтэдьииһэ. 2023 с.