Page 38 - Өрүкүйэр сүрэҕэ өрүү инники. (Голиков Николай Леонидовичка ананар)

дэҕиттэн спорт араас көрүҥэр утумнаахтык дьа-
рыктаммыт буолан, өрөспүүбүлүкэ, улуус хас да
төгүллээх призера, чөмпүйүөнэ буоларын үгүс
мэтээллэрэ, грамоталара туоһулууллар. Коля тү-
бэспит хамаандата эрэх-турах сананан, күрэхтэ-
һиигэ кыайара чахчы буолааччы. Оскуолаҕа сы-
лын аайы ыытыллар байыаннай хаамыы уонна
ырыа күрэҕэр Коля наар хамандыыр буолара,
биирдэ эмит соҕотоҕун хаамыыга хаамтараары
гыннахтарына, олох аккаастанар этэ. Дьэ, уонна
күрэххэ киһи көрө олорон астынар, киэн туттар
гына дорҕоонноох куолаһынан кылааһын са-
лайан, хамаандалаан хаамтарара. Үөрэҕэр да
кыахтааҕа, үчүгэйэ. Санаатын уурдаҕына, барытын кыайара-хоторо, ситиһэрэ. «Көлүкэчээн» үҥкүү ан-
саамбылыгар сөбүлээн дьарыктаммыта, хоһоон да ааҕара, конферансье быһыытынан тэрээһини да
ыытара, оҕо түмсүүтүгэр тэрийээччи да этэ.
Коля ис-иһиттэн дьээбэлээх буолан, кини баар буоллаҕына, тэрээһин, күрэхтэһии бэрт сэргэхтик
ааһара. Сороҕор саҥата-иҥэтэ суох сырыттаҕына, хата, муодаргыы саныыгын. «Хайа, бүгүн Коля туох
буолбутуй?» - диэн буолара. Ардыгар дьээбэтэ-хообото киирэн, быракааһы да оҥордоҕуна, кинит-
тэн туту да булан, ыган таһаарбаккын. Ол курдук кини: «Эр киһи биир тыллаах, эппит тыл - биир», -
диир буолара. Дьэ, табаарыстарын туһугар санаата бөҕөх буолааччы, ол кэриэтэ бэйэтэ мөҕүллүөн-
этиллиэн, бастакы охсууну бэйэтигэр ылыан сөп этэ. Ол да иһин Аҕа дойдутун, норуотун туһугар ба­
йыаннай үлэһит буолан үлэлиир ыра санаалааҕа. Чаҕылхай киһи олоҕо кылгас буолар дииллэрэ
кырдьык эбит. Баарбыт тухары ааккын ааттыахпыт, оҕолорбутугар холобур оҥостон кэпсиэхпит. Эн
биһиги өйбүтүгэр-санаабытыгар, сүрэхпитигэр өрүүтыннааххын....
Мария Эдуардовна Пестерева,
И.И. Гоголев-Дыргыабай аатынан Нойахы орто оскуолатын
иитэр үлэҕэ диризктэри солбуйааччы, «Саха сирин эрэлз» бэлиэ хаһаайката.
2023 с.