Page 42 - Өрүкүйэр сүрэҕэ өрүү инники. (Голиков Николай Леонидовичка ананар)

ҮӨРЭНЭЭЧЧИМ КОЛЯ ГОЛИКОВ СЫРДЫК КЭРИЭҺИГЭР

Коля Голиков Найахы орто оскуолатыгар 2010 сыллаахха 1 кылааска
үөрэнэ киирбитэ. Аҕата Леонид Николаевич уолун кыра эрдэҕиттэн бэйэтин
кытта илдьэ сылдьан, улэнэн ииппитэ. Коля улахан киһилии толкуйдааҕа, саас-
тыылаахтарыттан таһыччы сатабыллааҕа, үөрэтии саҥа стандардын ирдэби-
линэн, уруок таһынан ыытыллар дьарыктарга ордук көстөрө.
Биир холобуру аҕыннахха, 1 кылааска «Төрөөбүт дойдум» диэн дьарык-
ка учуутал Валерия Петровна сорудаҕынан нэһилиэккэ ханнык тэрилтэлэр
баалларын билэн, уруһуйдаан кэлэн, кылааска кэпсиэхтээхтэр. Оҕолор бары
уһуйааны, балыыһаны, оскуоланы уруһуйдаабыттар.Арай Коля эрэ наһаа үчү-
гэйдик, сибилигин үлэлээн кэлиэх курдук, пилораманы оҥорбут этэ. Учуутал
пилорама тоҕо эркинэ суоҕун ыйыппытыгар Коля: «Оччоҕо мае баппат», - диэн хардарбыт. Онтон пи­
лораманы холбуур кнопка үрдүнэн чарапчылаабытын Валерия Петровна: «Бутугуй?» - диэн ыйыппыт.
Онуоха үөрэнээччитэ хап-сабар: «Ардах түстэҕинэ, уот боруобатыгар дэҥ холбоһуу буолбат», - диэн
күллэртээбит. Итини барытын Коля аҕатын кытта пилорамаҕа тэҥҥэ сылдьыһан көмөлөһөр буолан,
билбитин-көрбүтүн кэпсээтэҕэ.
Коля үксүн соҕотох да иитилиннэр сүрдээх аһаҕас, дэлэгэй, аһыныгас, үтүө санаалаах этэ. «Табаа-
рыс», «доҕор» диэн өйдөбүлү адьас үрдүктүк тутара. Көмөҕө мэлдьи бастакынан илиитин уунара.
Оскуола тэрээһиннэригэр кыттарбытыгар кимиэхэ эрэ таҥаһа тиийбэт, суох буоллаҕына, «миэхэ икки
баар, биирин биэриэм» эбэтэр «миэхэ аччаабыт баар, сарсын аҕалыам» диэн буолара. Айылҕаҕа бар-
дахпытына, саамай элбэх астаах кини буолара. Туохпутун барытын Коля ыйыытынан, кини дьаһалы-
нан оҥосторбут. Аны бэлисипиэтигэр кыргыттар сүгэһэрдэрин толору иилэн, өссө кэннигэр кими эмит
олордон илдьэрэ.