Page 77 - Өрүкүйэр сүрэҕэ өрүү инники. (Голиков Николай Леонидовичка ананар)

КОЛЯБЫТЫН АХТАН-САНААН...

•5* — ❖ — --------- •
Коляны олох кыра эрдэҕиттэн көрбүт оҕом.
Ийэтэ София Петровна - биир дойдулааҕым.
Уолаттарым Коляттан 2-3 сыл аҕалар, олох быы-
каайыгар ийэтинээн кэлэллэрэ. Биирдэ Колялаах
Петя маһынан оҥоһуллубут улахан баҕайы мас-
сыынаны былдьастылар. Биирдэрэ иэдэһиттэн
быһа тутта, иккиһэ ытырда быһыылаах. Ол түгэни
аҕабыт хойукка диэри кулэ-кулэ кэпсиирэ. Ол
курдук доҕордоһон улааттылар.
Коля уолаттарым каникулга кэллэхтэринэ,
биһиэхэ хоно кэлэрэ. Хос иһэ Коля саҥатынан
оргуйан олороро, күлэн саһыгыратара. Вова аҕа
буолан, Коляны сороҕор буойара, ол да буоллар
олох батыһа сылдьара.
Коля улаатан, ыһыахтары кэрийэн күрэхтэһэр буолта. Ол кини
олоххо иннин диэки барбыт кыайыылара эбит. Ийэтэ биир сайын
тиийбиппэр бириистэрин көрдөрбүтэ: балааккадөлөпүөн, мульти­
варка. Өссө да улахан ситиһиилэниэн хамсык мэһэйдээбитэ.
Вовам Владивостокка I Курска үөрэнэ сылдьан, каникулугар
2019 сыл кыһыныгар кэлбитэ. Петям куоракка лицейгэ үөрэнэ сыл­
дьара, оттон Коля - үрдүкү кылаас үөрэнээччитэ. Биирдэ үһүөннэ-
рин дьыбааҥҥа олордон, хаартыскаҕа түһэрбитим. Аҕабыт Коляны
оҕо эрдэҕиттэн «улахан үлэһит буолуоҕа» диэн билгэлиирэ. Аны
санаатахха, эр киһи буолан, уол кэскиллээҕин, инникилээҕин бэ-
лиэтии көрбүт эбит.
Оҕо көмүскэлин күнүгэр Колябытын Ушницкайдар, Стрекалов-
скайдар, Местниковтар, Сивцевтэр, Колесовтар, Кондратьева Алек-
сандралаах дьиэ кэргэттэрэ, оҕолоро, сиэннэрэ Тойон Уйалаах-
ха миин өрөн, күрэхтэһэн, оонньоон, олус үчүгэйдик аармыйаҕа
атаарбыппыт. Мин онно Коля наһаа улахан киһилии боччумурбу-
тун бэлиэтии көрбүтүм. Ким билиэ баарай, ол бүтэһик атаарыыбыт буолбутун?.. Коля сырдык мөс-
сүөнэ биһиги дьиэ кэргэн өйүгэр-сүрэҕэр мэлдьи баар буолуоҕа.

Варвара Николаевна, Петр Владимирович Сивцевтэр,
ыаллара. 2023 с.