Page 73 - Өрүкүйэр сүрэҕэ өрүү инники. (Голиков Николай Леонидовичка ананар)

кар улахан махтал!» - диэн баран, күлүүһү туттаран кэбистим. Колигым мин диэки соһуйбут хараҕы-
нан улахан баҕайытык көрөн кэбистэ. Онтон Захар Семенович диэки көрөн ылла уонна миигиттэн:
«Синтай эйиэнэ буолбатах дуо?» - диэн ыйытааһыннаах буолла. «Суох-суох, Захар киэнэ», - диибин.
Киһим онуоха улаханнык кэлэйбиттии: «Хайдах эһиэхэ туоххут да суоҕуй? Барыта Захар Семенович
киэнэ...» - диэтэҕэ үһү.
Олох кыратыттан бэйэтин кыанар уолчаан этэ. Адьас буруһууна курдук тэйиэккэлээн олороро.
Оскуолаҕа үөрэнэр кэмигэр сотору-сотору араас күрэхтэһиилэргэ барбыта иһиллэрэ уонна хайаан
да бириистээх миэстэлэргэ тиксибит буолара. Кини чэпчэки атлетикаҕа, атах оонньуутугар уһулуччу
көрдөрүүлээҕэ. Мээчигэр да хаалсыбата. Оннооҕор үрдүкү кылаастарга ыараханы көтөҕүүгэ, гиирэҕэ
эмиэ эрчиллэ сылдьыбыт эбит. Оҕо бөҕө киниэхэ мустан, футболлуу баралларын көрөрүм. Оннооҕор
таһырдьа -50 кыраадыс тымныыга футболлуулларын көрөн сөҕөрүм. Аҕатын тыраахтарынан мууска
футбольнай площадка астараллара. Өссө онно олорор ыскамыайкалаах. Дьэ, бу спорка уһулуччулаах
фанат диэбэккин дуо?!! Алын кылааска үөрэнэр кэмигэр табаарыстара үгүстэрэ киниттэн аҕа саас-
таах этилэр. Олох хамандыырдара быһыылаах этэ, мин көрөрбүнэн. Үчүгэй баҕайытык уолаттар түм-
сэннэр, бэлисипиэттииллэрэ, сөтүөлүүллэрэ.
Хас саас аайы кус кэмигэр, өрөбүлүн күннэригэр, аҕатын кытта саалаһа барсара. Аҕата чуруктуур
оҥорон биэрэрэ, онон Колябыт түүнү быһа чурук да чурук. Дьэ, киһини чуҥкуппат сэргэх киһи этэ.
«Тоҕо кус кэлбэт?» - диир. Ону мин: «Кэлимэҥ! Куттал баар диэтиҥ быһыылаах», - диибин. Оччоҕуна
чуруктуурбут кыратык тохтоон ылар. Биһиги испитигэр кулсэбитэрэ.
Коля доҕотторун кытта улаатан баран, саас буоллар эрэ, сугэлэрин, курдьэхтэрин туппутунан ба-
раллара. Кыамматтарга, ким көрдөспүккэ мае хайытыыта, хаар түһэриитэ, булууска муус угуута бары­
та Коля дьаһалынан барара. Олох былдьаһыкка сылдьар биригээдэ этэ.

Яков Петрович Сивцев, упэ бэтэрээнэ.