Page 81 - Өрүкүйэр сүрэҕэ өрүү инники. (Голиков Николай Леонидовичка ананар)

Миэхэ биир түгэн мэлдьи харахпар көстөр. Биһиги Майа Баа-
лыга наар сир астыы барааччыбыт. Онно Коля дьонун кытта оттуу
сылдьар буолааччы. Арай биирдэ эмиэ Майа Баалыга бардыбыт.
Онно Коля отуутун таһыгар сүгэлээх турара. Кулуһун оттоору сыл-
дьара эбитэ дуу?.. Биһигини батыһа көрөн турбута... күөх эриэн
футбольнай футболкалааҕа. Онно, арааһа, 5-6 кылаас буолуо.
Биирдэ эмиэ онно баран иһэн батыллан турдахпытына, Коля эһэтэ
Иһээхтиин (Исаактыын) тыраахтарынан соһон таһаарбыттара.
Колябыт кылгас олоҕор элбэх өйдөбүлү дьон сүрэҕэр хааллар-
быт буолуохтаах. Оннук кини кыра эрдэҕиттэн чугас дьонун тап-
талларыгар, истиҥсыһыаннарыгар иитиллибит буолан, эр киһилии
туохтан да толлубат куустээх санаалаах буола улааппыта.
Альбина Константиновна Пахомова.
үлэ бэтэрээнэ.

ПАТРИОТИЧЕСКАЙ ТЫЫН КИНИЭХЭ КҮҮСКЭ БААРА

•— — ❖ — ■
Кып-кыра Коля уол киирэн кэллэ уонна бааҕынас куо-
лаһынан: «Никита оонньуур дуо?» - диэн ыйытта. Коля
оччолорго 6-7 сааһа буолуо, мин Никитабыттан икки
сыл балыс. Ол да буоллар Никитаны убай оҥостон, бэр-
кэ тапсан оонньууллара. Улаатан баран, чугас доҕордуу
буолбуттара. Никита 5 кылааска Мүрүтээҕи гимназияҕа
үөрэнэ барбыта. Каникулга кэлбитин иһиттэр эрэ хайаан
да кэлэрэ, компьютердыыллара.
Коля кыра эрдэҕиттэн наһаа элэккэй майгылааҕа.Улахан киһи курдук лоп
бааччы кэпсэтэрэ, кыраттан үөрэрэ. Биирдэ оонньуу кэлбитигэр мин: «Коля, эн
миэхэ аймах буолаҕын ээ», - диэбиппэр наһаа үөрбүтэ. Онтон ыла өссө ыаллаһан, Никитаны - убайын,
Виканы балтын курдук саныыра. Коля эбэтэ Маайа эмээхсин уонна мин ийэм, кырдьык, аймахтыылар.
Коля биһиги оҕолорбут төрөөбүт күннэригэр куруук сылдьара. Сайын оҕолор тэлгэһэбит иһигэр
мустан оонньууллара, футбол тэбэллэрэ. Онно Коля саамай улахан саҥалаахтара, тэрийээччилэрэ
буолара.
Биирдэ күһүн хортуоппуй хостуу сырыттахпытына, Коля тиийэн кэлэн көмөлөспүтэ. Бу санаатахха,
Никитаҕа көмөлөһө охсон, оонньуу илдьэ бараары кэллэҕэ. Онно кини табаарыстарыгар наар көмө-
лөһөрүн эппитэ. «Коля,улааттаххына,туох үлэһит буолаҕын?» - диэн ыйыппыппар: «Таксист буолуом,
эһигини барыгытын босхо таһыам», - дии-дии мичээрдээбитэ.
Коля үлэһитэ, тыраахтары кыра сааһыттан
ыытара дэриэбинэҕэ үтүө кэпсээн буолара. Ийэ-
тэ София Петровна, аҕата Леонид Николаевич
уолларын үлэнэн ииппиттэрэ. Коля ол иһин кыра
эрдэҕиттэн окко-маска көмө киһитэ буолааччы.
6-7 кылааска үөрэнэр кэмигэр уолаттарын мун-
ньан, тимуровскай көмөнү оҥороллоро. Никита
Колялыын эмиэ мае хайытан, саастаах дьоҥҥо
көмөлөһөллөрө, кыратык харчылаһаллара.
Коля 2021 сыллаахха Бороҕоҥҥо дьаһал-
таҕа үлэлии олордохпуна киирэн кэлбитэ. Биир
Өнөр уолун кытта аармыйаҕа ыҥырыллан баран