Page 87 - Өрүкүйэр сүрэҕэ өрүү инники. (Голиков Николай Леонидовичка ананар)

барбыта. Ол онно сылдьан, контракт баттаан, Украинаҕа анал байыаннай дьайыыга барбыта. Онно
буолбут иэдээннээх быһылааны истэн, биһиги эрэ Колябыт буолуо диэн санаабатаҕым. Ол тыйыс кыр-
дьык дьиҥнээҕин истэммин, олус да хараастыбытым, аймаммытым...
Коля, эн сырдык мөссүөҥҥүн, куруук үөрэн мичилийэн киирэн кэлэргин хаһан даҕаны умнуом
суоҕа. Куйаартан суһумнуур сулус буолан,чугас дьонуҥ.доҕотторуҥсуолларын сырдата тур! Эн биһи-
ги сүрэхпитигэр өрүүтыыннааххын. Эйигин өрүү ахтабыт, суохтуубут...
Эдира Федорова.

БИИР СААМАЙ ЧАҔЫЛХАЙ, КЭСКИЛЛЭЭХ ЫЧЧАППЫТ

Доҕорбут Коля наһаа да мэник, наһаа да улахан саҥалаах, олох саҥаран баран кэлээр диэбит
уоллара буоллаҕа.Хайа да түгэҥҥэ аттыгар Коля баар буоллаҕына,эрэх-турах сананаҕын. Киһи эркин
курдук эрэнэр уола этэ. Сытыы-хотуу, харса суох буолан, иннин олох биэрээччитэ суох. Найахыбыт
ыччаттарыттан спорка биир саамай талааннаах.чаҕылхай уолбутдиэтэхпинэ сыыспатым буолуо. Фут-
болга, волейболга, баскетболга, сүүрүүгэ, ыстаныыга кини наар инники күөҥҥэ сылдьара.
Биирдэ Коля 11 кылааска үөрэнэ сырыттаҕына, оскуолаттан көҥүл ылан,улуус баскетболугар кү-
рэхтэһэ бардыбыт. Коля бу уҥүоҕунан үрдүгэ, түргэнэ, сытыыта, ыстанарын киһи этэ да барбат, олох
кынаттаах курдук буолааччы. Найахыбыт чиэһин этэҥҥэ көмүскээн, Ъ миэстэ буолан кэлбиппит. Ол
күрэхтэһиигэ Коляны улуус тириэньэрэ бэлиэтии көрөн, Уус-Алдан баскетболистарын сүүмэрдэммит
хамаандатыгар киллэрэн, дьоллоох Дьокуускай куоракка улууспут чиэһин көмүскүүр дьолго тигис-
тибит. Куоракка күрэхтэһэ киириэхпит иннинэ Мындаабаҕа сборданар буоллубут. Мин үөрэхпинэн
барбат буолан хааллым. Арай Колям туох да көҥүл ылбакка, бэйэтин баҕатынан баран хаалан, кыра
мөҕүллээһиннээх буолбута. Этэҥҥэ күрэхтэһэн бүтэн, кыайыы да, хотторуу да амтанын билэн, «кэлэр
сылга кыайыахпыт» диэн күрэхтэһиибитин түмүктээбиппит. Ити курдук улуус волейболугар, Бээдигэ
ыытыллар «Куруку» кубогар элбэхтэ күрэхтэһэн турабыт.
Саас оскуолатын бүтэрэн, уолбут аармыйаҕа ойор. Төһө да ыраах сырыттар сибээспитин тута сыл-
дьарбыт, аармыйатааҕы олоҕун мүччүргэннээх сырыыларын ахтан аһарааччы. Онтон уолаттартан
«Коля контракт баттаабыт» диэн истэбин. «Уол офицерскай үөрэх өттүнэн барар буолбут» диэн ис-
пэр үөрдүм.ол эрэн үөрүүм өр буолбатаҕа. Коля Украинаҕа баран эрэрин эрийэн эппитэ... Ый-хонук
ааһар... Анал байыаннай дьайыы буоларын курдук буола турар. Коля сибээскэ таҕыста да, биллэр
этэ, суруктарбар хардаран үөрдэрэ. Видеозвоногунан кэпсэтэн ылар этибит. Украинаҕа балаһыанньа
хайдаҕын кэпсиирэ, хайдах курдук ыараханын... оннооҕор снаряд кэлэн түһэрэ иһиллэрэ. Оччоҕо
доҕорум: «Снаряд кэлэн түстэ», - диэн баран, мичээрдээн кэбиһэрэ. Бүтэһигин алтынньы 28 күнүгэр
кэпсэппиппит. Херсонскай уобаластан көмөҕө Запорожскай уобаласка барарын эппитэ.
Биир саамай чаҕылхай, элбэҕи эрэннэрэр кэскиллээх ыччаппыт диэн билинэр доҕорбутун Ко­
ляны умнуохпут суоҕа! Ойор күннээх орой-мэник оҕо сааспытын, мүччүргэннээх сырыыларбытын,