Page 85 - Өрүкүйэр сүрэҕэ өрүү инники. (Голиков Николай Леонидовичка ананар)

АНДАҔАР
•— <§►—4*—4*— ■

Мин Колялыын оҕо эрдэхпиттэн эн-мин дэһэн, бииргэ улааппыт чугас доҕорум буолар. Оо, бу са-
ҥарара, күлэрэ мэктиэтигэр кулгаахпар иһиллэргэ дылы. Күн мэлдьи биһиги тула эргийэр, олох хаһан
да бүтүө суох курдук кэрэтэ уонна умсугутуулааҕа. Мин чугас доҕорум төлкөтүгэр Дьылҕа Хаан тыйыс
ыйааҕа, бэлэмнээбит моһоло ынырык да буолар эбит...
Коля инникигэ эрэллээх, хараҕа уоттаах, барытыгар эргиччи талааннаах киэн туттар уолбут этэ.
Элбэх да умнуллубаттүгэннэри ааспыппыт, өссө да иннибитигэр үгүс дьоллоох күннэр күүтэр этилэр...
Доҕорум Коля кэпсээн-ипсээн, киирэн-тахсан, туттан-хаптан, уол да уол буолара. Мээчиккэ, сүү-
рүүгэ, көҥүл тустууга, атах оонньуутугар үгүс күрэхтэһиигэ кыттара, хайаан да миэстэлэһэрэ.
Колигы кытта кыра сылдьан бииргэ оонньоон-көрүлээн, мэниктээн аҕай биэрэрбит. Сороҕор
дьиэтигэр оонньуу барааччыбыт. Улахан ПК компьютерыгар, дьэ, күүстээх, киирсиилээх оонньуу буо-
лааччы. Колябыт наар кыайар, барытын билэр, быһаарсар этэ. Дьэ, оннук омуннаахтык оонньоон,
күммүт арҕаалаабытын билбэккэ да хааларбыт. Хойутаабыт ыалдьыт аны хоноһолуу хаалабын. Бэрт
ыксалынан дьиэтээҕи үлэбитин үрдүнэн-аннынан оҥоро охсобут уонна мэниктээн аҕай биэрээччи-
бит. Төлөпүөнүнэн түүннэри оонньоон, хойут баҕайы утуйан, сарсыарда үөрэхпитигэр нэһиилэ туран
барааччыбыт.
Саас халлаан сылыйда да,сиилэс дьааматыгар мустан,буорунан бырахса оонньуурбут.Арай биирдэ
сиилэспит дьааматыгар оонньуу кэлбиппит: ортото барыта уунан туолбут. Соһуйуу-өмүрүү буоллубут!
Дьэ, онно арай Колябыт буочуканан дуу, туох эрэ маһынан дуу болуот оҥостон, ууга киирдэ. Аны бо-
луота уйбакка тимирэн барда. Уолбут, хата, санаатын түһэрбэт, уу атаҕын толору сабыар диэри сон-
нук оонньоото. Биһиги ону көрөн,
күлэн быара суох турабыт. Оннук
курдук киһини күллэрэр уол этэ,
бу суруйа олорон, ону саныы-са-
ныы күллэхпиин... Итинник элбэх
көрүдьүөстээх сырыылар баал-
лара. Оо, ол киирбэт күннээх кү-
лүмүрдэс оҕо сааспытыгар төннөр
киһи баар инии... бириэмэ түргэн
даҕаны...
Аармыйаҕа сулууспалыы сыл­
дьан, төлөпүөнүнэн маннык эп-
питэ: «Мин манна хаалар буоллум,
контракт баттастым, байыаннай
олохторун сөбүлээтим ээ». Бу эп-
питэ тоҕо эрэ өйбөр хаалбыт.