Page 84 - Өрүкүйэр сүрэҕэ өрүү инники. (Голиков Николай Леонидовичка ананар)

БУКСУУР ОҔОЛОРО

•---❖ — Ф — 4»----•
Оҕо сааһым доҕоро Голиков Коля дьиҥ сырдык эйгэлээх,түс-бас тыллаах, хорсун, өйдөөх, элэккэй
уол эта. Мин өйбөр кини наар күлэ-үөрэ, барытын интэриэһиргии, саҥаны толкуйдуу, сүүрэ-көтө сыл-
дьара хатанан хаалбыт.
Мин Колялыын Буксуур диэн сайылыкка улааппыппыт. Куруук бииргэ оонньуурбут. Наһаа да кэрэ
кэмнэр этилэр. Төһө да аймахтыы буолбатахпыт үрдүнэн эдьиийдии быраат курдук наһаа чугас эти-
бит. Өйдөспөт, кыыһырсар диэн тугун билбэтэхпит. Ол оннугар мэлдьи араҥаччылаһа, харыстаһа сыл-
дьарбыт.

Этэргэ дылы, биир иһиттэн аһаан, биир ороҥҥо утуйан улааппыппыт. Ардыгар Коля түүннэри оон-
ньоон.тииһэ ыпсыбат буолуор дылы дэлби тоҥон кэлэн баран, суон баҕайы куолаһынан: «Тюша-аа, ол
диэки халбарый эрэ»,-диэн баран, хоонньубар киирэн сылыпыс гынааччы.Оччоҕо мин ыһыы-хаһыы
бөҕөтүн түһэрэбин: «Ыччуу-уу! Эмиэ киһи хоонньугар киирдэ! Бар, атахпар сыт!» - диибин. Инньэ
гынан атахпар сытаат, утуйан буккураан хаалара. Аны сарсыарда турдахпытына, Коля: «Тюша-аа, эн
сыттыктары уонна суорҕаны сааһылаан уур, оттон мин тэллэҕи ууруом», - диэн дьаһайааччы кини
буолара. Ол иһин дьоммут биһигини «оҕонньордоох эмээхсин курдуктаргыт» диэн күлсэр буолаллара.
Кэлин улаатан, олох улахан аартыгар үктэнэн, суолбут арахсан, кэпсэппэккэ хаалбыппыт хомолто-
лоох. Кыахтааҕым буоллар кэм-кэрдии эргиирин төттөрү эргилиннэри тардан.тугу саныырын,тугу ба-
ҕарарын истиэм этэ. Хомойуох иһин орто дойду олоҕор ол сатаммат... Арай сүүрбүт-көппүт Буксуурбут
налыы хонуулара, чиргэл мастара хас сайын аайы эйигин суохтаан, суугунуу туруохтара буоллаҕа...

Татьяна Фомина
2023 с.