Page 94 - Өрүкүйэр сүрэҕэ өрүү инники. (Голиков Николай Леонидовичка ананар)

Бу орто дойдуга аны көр-
сүбэппит. Ол эрээри туулбэр
мэлдьи тыыннааххын, аттыбар
өрүү бааргын...

Арияна Ефремова.

МЭЛДЬИ БИИРГЭ СЫЛДЬАРБЫТ

•---❖ — 4* — ❖ — •

Биһиги Колялыын уһуйааҥҥа бэлэмнэнии бөлөҕөр
сылдьан билсиспиппит. Кыра кылааска сылдьан бэр-
питин былдьаһан, наар этиһэн тахсар этибит. Онтон
улам улаатан истэхпит аайы бэйэ-бэйэбитин саҥата
суох өйдөһөр, өйөһөр буолбуппут. Быһатын эттэххэ, уу
тэстибэт доҕордуу буолбуппут.
Элбэх баҕайы күрэхтэһиилэргэ, куонкурустарга
наар бииргэ сылдьарбыт. Колям онно миигин көрөн-
истэн, үөрэтэн-такайан илдьэ сылдьара. Кинитэ суох
онно-манна бардахпына, хайаан да эрийэн, хайдах
сылдьарбын ыйыталаһара. «Атас туһугар атах тостор,
доҕор туһугар тобук туллар» диэн Коляҕа сөптөөх өс хоһооно. Хас биирдии киһиэхэ (билэр-билбэт
киһитигэр барытыгар) көмөлөһөр, илиитин уунар үтүө үгэстээҕэ.
Колялыын «Көлүкэчээн» оҕо үҥкүү ансаамбылыгар сылдьыбыппыт. Доҕорум спорт бары көрүҥэр
таһыччы кыахтаах этэ. Кыра кылаастан саҕалаан сүүрүүнэн дьарыктаммыппыт. Онон сүүрүүгэ үгүстүк
кыайыы өрөгөйүн да, хотторуу кыһыытын да бииргэ билбиппит.
Биһиги кылааспытыгар тутаах киһибит - Коля. Барыбытын көрөрө-харайара, дьаһайара. Оскуола
иһинэн буолар күрэхтэһиилэргэ Коля баар буоллаҕына, хайаан да кыайабытдиэн эрэллээх буолаач-
чыбыт. Аны походтарга тыраахтарынан, матасыыкылынан барыбытын таһар идэлээҕэ. 11 кылааска
үөрэнэ сылдьан, оскуолабытыгар бүтэһик Саҥа дьылбыт бэлэмнэниитигэр биир да күнү көтүппэккэ
сылдьыбыта. Коля барыбытыттан уратытык толкуйдаан, боппуруоһу начаас быһаарар этэ.
Коля курдук эйэҕэс, аһыныгас майгылаах, сып-сырдык дууһалаах, истиҥ сыһыаннаах киһини бил-
бэппин. Коля - биһиги ДЬОРУОЙБУТ, киэн туттар уолбут! Үтүө доҕорбут Николай Голиков сырдыгынан
сыдьаайар мичээрин, эдэркээн бэйэтин хаһан да умнуохпут суоҕа!
Сергина Пахомова.