Page 96 - Өрүкүйэр сүрэҕэ өрүү инники. (Голиков Николай Леонидовичка ананар)

Доҕорбут Коля эдэркээн сырдык мөссүөнэ, биһиги сүрэхпитигэр хаһан да умнуллубат, умуллубат сыр-
дык сулус буолан сылдьыаҕа...
Арчын, Асхар Аржаковтар, доҕотторо.
Таатта улууһа, 29.04.2023 с.

КӨСТҮБЭТСИТИМ

■--------- •$• — 4* — 4* ---------- -
Үгүс дьон Голиков Николай Леонидович диэхтэрэ, оттон биһиги, чугас доҕотторо, кинини атаахта-
тан.таптаан ааттыыр ааппыт Колюк эбэтэр Голикап.
Аан бастаан Найахы орто оскуолатыгар көһөн кэлэн, дьарыкпын саҕалыырбар Колюктуун бил-
сибитим. Кини миэхэ хайдах сөпкө дьарыктанарга үгүстүк ыйан-кэрдэн, сүбэлээн-амалаан биэрэр
этэ. Колюк олус спортивнай көрүҥнээх буолааччы. Чиэһинэ эттэххэ, кини тас көрүҥэр, кыахтааҕар
мин ымсыыра саныыр этим. Биир кэмҥэ Бэйдиҥэҕэ баран үөрэнэ сылдьыбыта. Онно баран, доҕорбут
эт-сиин, өй-санаа өттүнэн уһулуччу сайдан, тупсан, лаппа кыаҕыран кэлбитэ. Улуус иһигэр ыытыллар
Саха КВН-ҥа күрэхтэһэн, оскуола иһинэн ыытыллар тэрээһиннэргэ көхтөөхтүк кыттан, олуһун мала-
дьыастаабыта. Кини кыайбатаҕа, сатаабатаҕа суоҕун да кэриэтэ буолара. Киһи быһыытынан эҥкилэ
суох этэ диибин. Куруук күлэ-үөрэ, хаадьылаһа сылдьарбыт. Колюгу кытта сылдьар наһаа үчүгэй буо­
лааччы.
Уонна, дьэ, кинини кытта олох умнуллубат кэммин кэпсиэхпин баҕарабын. Кыра сылдьан, эбиэт-
тиирбитин да умнан туран, сарсыардаттан киэһээҥҥэ диэри ууга чомполоно оонньуурбутун сөбүлүүр
этибит, олох хап-хара буолуохпутугар дылы. Оччолорго дьиэтээҕи төлөпүөн эрэ баар этэ, ону Голи-
кабы эрийэн ыйытыахпын дьонуттан куттанар этим. Ол иһин сөтүөлүү баран иһэн мэлдьи «уулус-
саҕа Голикап иһэр буоллун» диэн күүскэ саныыр этим. Дьиктиргиэм иһим, доҕорум күөх шортигын
кэппитинэн утары тахсан кэ-
лэрэ. Дьэ, оччоҕуна, хараҕым
сырдыы, санаам туох да сүр-
дээҕин көтөҕүллэ түһээччи. Ол
суотабай төлөпүөнэ суох кыра
бэдиктэр оччолорго, бэйэбит
да билбэппитинэн,телепатичес-
кай ситиминэн бэйэ-бэйэбитин
ыҥырсар эбиппит. Бу баар, дьэ,
букатын умнуллубат дьикти тү-
гэн!

Арсен Кривошапкин.