Page 95 - Өрүкүйэр сүрэҕэ өрүү инники. (Голиков Николай Леонидовичка ананар)

УМНУБАППЫТ...

• ❖ —Ф —4* •
Биһиги кырабытыгар Уус-Алдан Найахытыгар эбэлээх эһэ-
битигэр сайылыыр этибит. Биир үтүө күн уол оҕо батыһын-
нарыылаах Леонид Николаевич биһиги эһэбитигэр кэлбитэ.
Кини: «Ээ, бу сиэннэргит Чөркөөхтөн хаһан кэлбиттэрэй? На-
һаа учугэй эмдэй-сэмдэй уолаттар дии. Колик, хата, бу оҕолору
кытта оонньуу хаалаҕын дуо?» - диэбитэ.Уол тута сөбүлэспитэ.
Аан бастаан Колялыын билсиһиибит итинник саҕаламмыта.
Коля биһигиттэн арыый сааһынан кыратык аҕа эта, уҥуоҕунан да быдан
өндөһө.Тустан, сырсан көрөрбүт да, кини биһигини олохтулуппат эта.
Табаарыспыт биһиэхэ бэлисипиэт бэлэхтээбитэ. Ону дьиэбитигэр тэбэн
кэлбиппит, Коля эмиэ кэлсибитэ.Тута эбэбитигэр үөрүүлээх сонуммутун кэпсээтибит:
- Эбээ, Коля биһиэхэ бэлисипиэт бэлэхтээтэ!
- Ээ, хайдах оннук буолуой, сатаммат, төттөрү биэриҥ, эһиэхэ саҥаны ылыахпыт, оттон биири оҥо-
руохпут дии. Коля бэлисипиэтэ суох хаалыа дуо? - диир эбэбит.
- Ити миэхэ кыра, маамалааҕым улаханы ылаллар ээ. Арчыннаах Асхар бэлисипиэттэрэ алдьа-
на сылдьар уонна мин дьонум сөбүлэспиттэрэ ээ, - диэн Коля иннин биэрбэт. Ол биһиги обургулар
саҥа бэлисипиэккэ ымсыыра санаан, былдьаһа-былдьаһа миинэ сылдьарбытын көрөн, кыра дьону
үөрдүөн баҕардаҕа.Доҕорбут кыратыттан оннук үтүө,аһыныгас майгылаах этэ. Ол онно Коляҕа уонна
кини төрөппүттэригэр - София Петровнаҕа, Леонид Николаевичка - олус махтана санаабыппыт, би-
лигин да махтанабыт.
Дьэ, тапсан оонньуур этибит. Олох арахсыахпытын баҕарааччыбыт суох. Биирдэ Колялаахха өөр
да өр оонньообуппут. Онтон табаарыспыт биһигини наһаа хонноруон баҕаран, мааматыттан ыйытан,
оттон биһиги эмиэ эбэбит аахтан ыйытан, көҥүл ылан, астыныахпытыгар диэри оонньоон, бэркэ диэн
хонон турбуппутун өйдүүбүт.
Оторой-моторой үс уол мэникпит сүрдээх буоллаҕа. Биирдэ дьиэбит иннигэр футболлуу сырыт-
тыбыт. Эбэбит наһаа элбэх сибэкки олордоро, ол сибэккилэрин мээчигинэн алҕас алдьаталаан кээс-
тибит. Онтон, эбээ көрөн мөҕүө диэммит, аны дьиэ кэннигэр баран футболлаатыбыт. Күнү быһа оон­
ньоон, мэниктээн да биэрэрбит.Табаарыспыт дьиэтигэр баран, салгыы эмиэ иһирдьэнэн-таһырдьанан
сүүрүү-көтүү, тилитирэһии, ону-маны тоҕо көтөн ааһыы. Коля маамата ыҥыран ылан: «Утаппыккыт
буолуо, уута иһиҥ», - диэн, киллэрэн аһатааччы, биһиэхэ эмиэ эбэбит ыҥыран аһатар.
Биһиги Чөркөөхпүтүгэр бардахпытына, кыһын устата Коляны наһаа ахтар этибит. Хаһан сайын
буолан, Найахыга табаарыспытыгар баран оонньуурбутун саныырбыт. Оҕо сааспыт умнуллубат ар-
гыһа, доҕорбут Коля кыра эрдэҕиттэн бойобуой уонна күүстээх санаалаах, аһыныгас этэ.
2021 сыл үүнэр Саҥа дьылын көрсөөрү, Найахыга эбэлээх эһэбитигэр кэлбиппит. Кэлээт, ахтылҕам-
мытын таһаараат, күө-дьаа эбэлээх эһэбитигэр сонуммутун кэпсээт, чэйдээн бүтээт,табаарыспытыгар
Коляҕа ыстаммыппыт. Тиийбиппит: Коля дьиэтигэр баар этэ. Кини биһигини наһаа үөрэ көрсүбүтэ.
Бары Саҥа дьылынан эҕэрдэлэһэн илии тутуспуппут, өссө биир табаарыспыт Сахаян Марков баара.
Онно плейстейшҥҥа үөрэ-көтө оонньообуппут, элбэҕи да кэпсэппиппит. Коля ийэтэ София Петровна
биһигини минньигэс астаах остуол тардан, аһылыкка ыҥырбыта. Билигин санаатахпытына, Коляны
кытта биир остуолга олорон астына чэйдээбит, истиҥник кэпсэппиттиһэх көрсүһүүбүт эбит...
Онтон Коля эксээмэннэрин ситиһиилээхтик туттаран баран, банкетыгар да сырытыннарар бокуой
биэрбэккэ, аармыйаҕа барар бэбиэскэ туттарбыттар этэ. Аармыйаҕа биир сыл ытык иэһин толорон
кэлиэхтээх этэ... Онтон анал байыаннай дьайыы биллэриллибитигэр табаарыспыт хамандыырынан
ананан,Украинаҕа барбытын истибиппит... Биһиги табаарыспыт Коля суох буолтун истэн олус соһуй-
буппут, хараастыбыппыт... Кыра оҕо сааспытыттан олус чугастык, истиҥник саныыр доҕорбутун сүтэ-
рэн, наһаа ыараханнык ылыммыппыт...
Күндүтүк саныыр, мэник-тэник оҕо сааспытыттан табаарыспытын, истиҥ доҕорбутун, куруутун ах-
та-саныы сылдьыахпыт. Биһиги табаарыспыт холобур буолар хорсун быһыытын мэлдьи саныахпыт!