Page 37 - Айдааннаах үйэ уолаттара

туруорсууну эрэйбитэ. Семен Михайлович Союзка. Россияҕа уонна
республикаҕа тахсыбыт сокуоннары эбээһинэһин быһыытынан ди-
риҥник үөрэтэрэ. Оннук сокуоннар олус элбэхтэрэ. Олору барытын
көтүппэккэ, хас биирдиилэрин тахсыбыт күннэрин, нүөмэрдэрин өй-
дөөтөҕүнэ сатанара. Ону эрэ буолуо дуо, хас биирдии докумуон
пууннарын, ыстатыйаларын ис хоһооннорун өйгө тута сылдьара наа-
да этэ. Дьэ. манна Семен Михайлович талаана, өйүгэр тутар уһу-
луччу дьоҕура туһалаабыта. Оскуола сэбнэдиссэйдэрэ, директордара.
советтар киниэхэ кэлэн, үп дьыалатыгар астык ыйыылары, быһаа-
рыылары ылаллара. Финансовай операдиялары ырьпгалаан билии
үгүс салайааччыны мунньара. Онуоха Семен Михайловичтан сүбэ-
лэтэллэрэ. Үлэ хаамыытыгар элбэх дьону уп дьыалатыгар үөрэппитэ-
инппитэ.
Араас сыыһалары-алҕастары көрдүүр аналлаах республика ре-
визордара ааҥнаан, аарыгыран кэлэллэрэ. Ол эрээри районо үслэти-
гэр оннук айдааннаах арыйыылара иһиллибэт этэ. Семен Михайло-
вич үлэтигэр олус кыһамньылаах, аккуратнай, дьыалабыай буолан,
республика үбүн үлэһиттэрин бастакы кэккэлэригэр сылдьара. Ол
түмүгэр 1973, 1975 сылларга социалистическай куоталаһыы кыа-
йыылааҕын знактарынан наҕараадаламмыта, 1982 сыллаахха онус
пятилетка ударнигын аатын ылбыта. Кини үлэ ветерана. Российскай
Федерация норуотун үөрэҕириитин туйгуна. Балары таһынан
РСФ СР, Саха АССР Үөрэхтэрин министерстволарын. райком, рай-
совет уонна үөрэх салаатын элбэх грамоталарынан наҕараадалам-
мыта. Кырдьаҕас финансист Семен Михайлович Барашков кэргэни-
нээн Харитонова Мария Прокопьевналыын сэттэ ыал буолбут оҕо-
лоругар күүлэйдииллэр, сүүрбэччэ сиэттэриттэн кыраларын бүөбэй-
дииллэр.
Үлэттэн дьолу булбут үтүө ыаллар кинилэр буолаллар.