Page 32 - Кыайыы ыһыаҕа Хос үрэххэ

Л ы ^ Л ^ Л ^ ^ Л ^ Л — *.— —-*>—иЛк. -И|К^*К.

и и и и и и и и и и и и и и и и и и и и и и и и и и и и и и и и у и и и и и и и и и и и и и и и и и и и и и и и и и и и и и и и и и и и у
к11 1 1111111111111А1111111111111А111111111А1А111111111А1А1А1А1111111А1.

КЫАЙЫЫ ЫҺЫАҔА

Бэс ыйын 1 күнүгэр 2010 с. сарсыарда былыта суох, ыраас чаҕылхай күҥҥэ үөрбүттүү, уруйдуу-айхаллыы айылҕабыт күөҕүнэн
чэлгийэн, алтан отунан анньан, кэҕэ этэн чоргуйан, Улуу Мүрү алаас улуус нэһилиэктэриттэн сахалыы таҥастаах, түөстэригэр
мэтээллэри иилиммит сэрии, тыыл, үлэ бэтэрээннэрэ уонна улуус салайааччылара муһуннулар.
Сэргэ-мемориал үөрүүлээх аһыллыытын улуустааҕы «Билии» общество бэрэссэдээтэлэ Федорова Февронья Гаврильевна
саҕалаата. Кини кылгас киирии тылын кэнниттэн сэргэ-мемориалы сэрии, тыыл бэтэрээнэ Копырин Дмитрий Васильевич, тыыл
бэтэрээнэ, 1945 с. Кыайыы ыһыаҕын сиэригэр-туомугар кыттыбыт Тарская Екатерина Михайловна, улуустааҕы бэтэрээннэр
сэбиэттэрин бэрэссэдээтэлэ Калининскай Иван Семенович, өйдөбүнньүк сэргэ-мемориал автора, Мүрү нэһилиэгин бэтэрээннэрин
сэбиэтин солбуйар бэрэссэдээтэлэ Посельскай Иннокентий Иннокентьевич арыйдылар.
Улуус дьаһалтатын баһылыга Троев Валериан Дмитриевич, сэрии, тыыл бэтэрээнэ Васильев Василий Ананьевич, тыыл бэтэрээнэ,
улуустааҕы Ытык сүбэ бэрэссэдээтэлэ, Саха АССР оскуолаларын үтүөлээх учуутала, улуус бочуоттаах олохтооҕо Данилов Иван
Николаевич, тыыл, үлэ бэтэрээнэ, 1945 сыллаах Кыайыы Ыһыаҕын кыттыылааҕа Гоголева Матрена Семеновна, Мүрү нэһилиэгин
дьаһалтатын баһылыга Аммосов Василий Иванович Кыайыы Ыһыаҕын туһунан суруллубут мрамор паамытынньык арыйдылар.
Ол кэнниттэн ытык өйдөбүнньүк аһыллыытын сиэрин-туомун улуус бастакы сэргэ оҥорооччута, алгысчыта, оһуокайдьыта,
тойуксута Бурцев Иван Иванович - Сэргэ Уйбаан арчылаата, сирин-дойдутун аһатта.
Үөрүүлээх түгэни ырыанан-тойугунан киэргэттилэр Мүрү I №-дээх оскуола алын кылааһын учуутала Васильева Евдокия
Дмитриевна, судебнай пристав Охлопков Василий Васильевич.
Ити кэнниттэн кэлбит бэтэрээннэр бары туран оһуокайдаатылар.

Мария Егоровна ФОМИНА,
Уус-Алдан бэтэрээннэрин сэбиэтин сэкирэтээрэ.
«Забота Арчы» хаһыат «Ветеран» сыһыарыыта
2010 сыл бэс ыйын 17 күнүнээҕи 06 (100) нүөмэриттэн.

— __Н*.—аь—И*. __ .
р и и о и и о и и и и и и и и и о и и и и и и и и и и и и и и и и и о о о о о о о о о о о о о о и и и о и о и о и и и и о о о и и и о
.11111111111111111111111111111111111111111111111111111111111111,