Page 29 - Кыайыы ыһыаҕа Хос үрэххэ

и и и и и и и и и и и и и о и и и о и и и и и и и и и и и и и и и и и и и и и и и и и и и и о и и и и и и и и и и и и и и и и и и и и и и и и

үлэлээбитэ биллэр. Оччолорго кини отучча эрэ саастааҕа. Кыайыы ыһыаҕын баттаһа кэлбитэ буоллар, үчүгэй тустууну көрдөрөрө
хааллаҕа.
Ол, Улуу Кыайыыны уруйдуур улахан ыһыахха, сэрии ыар кэмнэригэр үлэни-хамнаһы тутан олорбут бухатыыр дьахталлар
өрө көтөҕүллэн туран үөрэн-көтөн тустубуттара үһү. Барыларын көҥүл суулларталаан Тулунаттан Варвара Ананьевна Васильева
- Баттаайа Балбаара бастакы миэстэни ылбыта биллэр. Бэрт-Ууһуттан үлэҕэ-хамнаска кытаанаҕынан, кыайыылааҕынан биллэр
Пелагея Ивановна Захарова - Муос Балаайа үһүс миэстэҕэ тиксибит.
Үс тоҕус дуу, үс сэттэ дуу диэн ыстаныыга райсовет үлэһитэ Георгий Дмитриев бастаабыт. Чэриктэй уола республика аатыр-
быт кынаттаах кылыыһыта Дмитрий Куприянович Босиков бу кэмҥэ 35 саастааҕа, ыһыах оонньууларыгар кыттан мүһэ сиэтим
диэн доҕоругар Реас Кулаковскайгэ кэпсээбитин туһунан ахтыыта баар. Сүүрүүгэ кылгас сиргэ (дистанция) бука 100-200 миэтэрэ
кэриҥэ сиргэ Өнөртөн сылдьар Мария Егоровна Черноградская диэн кыыс холкутук бастаабыта биллэр. Мас тардыһыытыгар дьах-
талларга 1 Өлтөхтөн Күүстээх Өлөөнөнөн биллэр Елена Портнягина бастакы, оттон Курбуһахтан Лөкүөрүйэ Васильевна Аммосова
иккис миэстэни ылбыттар.

Колодезников Афанасий Гаврильевич (1937-2019) - тыыл, үлэ бэтэрээнэ,
Мүрү нэһилиэгэ.

Мин өйдүүрбүнэн киэҥ соҕус түөлбэ хонуу ортотугар сэргэ турара, кыһыл сулустаах
этэ. Тыа саҕатыгар саҥа маһынан халанча оҥоһуллубут этэ. Плакаттар, саламаҕа ыаҕайалар,
томторуктар баалларын өйдүүбүн. Аһылыкка хас да сиринэн түөлбэ тэринэн олорбуттара.
Биһиэхэ Чирэпчи, Кыччама эргиннэргэ, түөлбэбит ортотугар турар кыракый мас уһааттан кымыс
түҥэтэн биэрбиттэрэ. Халанча адьас иннигэр турар симиир уһааттан биир сахалыы мааны
таҥастаах аҕамсыйа барбыт дьахтар улахан мас удьаанан мааны таҥастаах дьоҥҥо чохоо уонна
ымыйа иһиттэргэ кымыс түҥэтэ турарын чуолкай көрбүтүм. Ону биир сүгэ сылдьар туох эрэ
аппарааттаах киһи хаартыскаҕа устубута. Бука куораттан сылдьар ыалдьыттары, артыыстары
уонна Иркутскайтан кэлэ сылдьар киинэҕэ устар үлэһиттэри аһаттахтара буолуо.

—Л. *—Л — —■*— —ик—и*—Л—*—Л—Л—Л ик Л—Л—Л—*—Л—Л— —«к—ик—«к—ик—ик—*—4к— —Л—*—Л*~Л—Л—Л—ик—ик—Л—л—л

и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и