Page 12 - Нэһилиэк төһүү дьоно

1968 сыл сайыныгар Лабачааны үрэххэ бииргэ оттуубут. Бэ-
йэбит туспа звено буолан. Кини, Л.П. Черноградскай, Г.Г. Гав-
рильев, Е.Е. Ябловскай, мин уонна икки оҕо. Илиинэн охсобут,
илиинэн кэбиһэбит. Оччолорго бу үрэх сирэ оҥоһулла илик этэ.
Мэхээлэ төрүт үрэх сиргэ үөскээбит буолан, оту үчүгэйдик
охсоро, хонноҕун аһан, киэҥник тэлэлээн, күөгэччи охсон
иһээччи. Оччолорго «сылайдым-элэйдим» диэн тылы төрүт
туттубатэтэ. Сааһыран эрэрэ, сэриигэ ылбытбааһын араанньыта
син таайан эрдэҕэ. Сэбин-сэбиргэлин үчүгэйдик оҥосторо,
сатыыр буолан биһиэхэ көмөлөһөрө. Холобур, хотууру
таптайыыга, кыраабыл тииһин оҥорууга. Аны санаатахха, улахан
өҥ сайын кэлбит эбит. Согору-сотору ардах түһэрэ. Сороҕор хас
да күн үргүлдьү барара. Онон бугулбутун буорга мас саайа-саайа
ол үрдүгэр оҥорорбут. «Баҕар уу ылыа» диэн кытыыга көтөҕөн
таһаарарбыт. Үһүөн даҕаны наҕыл, үчүгэй оҕонньоттор этэ.
Лааһар булчут буолан, сайыны быһа тайах этин миинин
иһэрдибитэ. Киэһэ ахсын «сылааны таһаарарга» диэн иккилии
үрүүмкэ үрүҥ арыгыны кутара. Ол да сөп буолара. Арыый эбиллэ
соҕус буоллаҕына, Лааһар ыллыыр этэ. Оҥостон олорон
ыллаатаҕына — ырыата быстыбат. Бэйэтин «Совнарком» диэн
ааттанара. Биһиги дьээбэлээн, сороҕор: «Совнарком бүгүн тугу
дьаһайар?» - диэн ыйытарбыт. Лааһар күлэ түһэн баран, син туох
эрэ дьээбэлээҕи булан эппиэттиирэ. Олус бэркэ сайылаабыппыт.
Аҕыс уонча тонна оту туруоран киирбиппит. «Сыл — хонук»
дииллэрэ кырдьык эбит. Ити дьоммуттан мин соҕотоҕун
хаалбыппын уонна икки уол — билигин эдэр дьон.
1970 сыл сааһыгар миигин Өнөр биригээдэтигэр старшай би-
ригэдьииринэн аныыллар. Үлэбин тутааппын кытта аҕыйах хо-
ноот, от үлэтэ саҕаламмыта. Михаил Михайловичтыын эмиэ ыы
муннубутунан анньыһатүстүбүт. Кини оккозвеноводбуолла. Са-
йынын от өлгөмнүк үүнэн, дьон санаата көтөҕүллүбүтэ.
Турар-турбат барыта үлэҕэ, окко кыттыбыта. Биэстии хоно-
хонодекадатүмүгэ иһиллэн иһэр. Ханнаким хайдахоттуурабил-
лэ турара. Аны санаатахха, онно эбит күөн былдьаһыыта диэн.
Дьон ходуһаҕа эрдэлээн киирэрэ, хойутаан тахсара. Колхоз от
ыйдааҕы декадатын түмүгүнэн, конкурс балаһыанньатынан, бас-
таабыт звеноҕа улахан сылгынан бириэмийэ бэриллиэхтээҕэ.
Конкурс түмүгүн таһаарар комиссия икки звенону тэҥнээн кэ-