Page 9 - Нэһилиэк төһүү дьоно

Сергеев Николай Михайлович оҕонньор икки ытыһын тиэрэ
туппутунан, бу нэлэһийэн иһэр эбит.
— Дьэ, доҕор, Михаил Михайловичпыт Герой буолла, — оҕонньор
үөрбүт хараҕа саһарҕа уотун курдук сырдаабыт. — Дьэ, учугэй
буоллубут, - диэтэ уонна өттүк баттанан кэбистэ. Уҥа атаҕын
иннин диэки бырахта, нүксүгүр бэйэтэ көммүт курдук буолла.
Оҕонньор сарсыарда сэттэ аҥар чаас саҕана үүтээнигэр олорон
араадьыйанан истибит. Бастаан үөрбүт, онтон ону-маны санаан-
ахган ытаан барбыт. «Соччо уйана суох киһи буолуохтаах этим
да, кыайан туттумматым», — диир. Атын сыарҕатыгар олоро
түһээт, балтараа көс сиртэн бу бөһүөлэгэр тиийэн кэлбит — сону-
ну кэпсии хонтуоралаан иһэр эбит.
Михаил Михайлович балтын кыыһа Вера Петровна Атласова
үтүө сонуну телефонунан истибит. Хайдах эрэ соһуччута бэрдит-
тэн, мах бэрдэрэн буолуо, истибитин эрэммэтэх курдук буолбут.
Араадъыйатын аһан баран, чуолкай истээри, күн аҥара онтун
кууһан олорбут. Дьэ, истэн баран эмиэ ытаабыт. «Кууппутум
бэрт. Кыайыы 50 сылыгар оҥороллоро буолуо диэн наһаа эрэмми-
тим. Туох да биллибэтэҕиттэн олус хомойбутум», — диир.
Дьэ, ити курдук көрүстүбүт соһуччу үөрүүлээх сонуну бөһүө-
лэккэ. Бу үтүө сурах хас биирдии ыал дьиэтигэр эйэ холуубун
курдук кынатын кыптыыйдыы туттан киирэн истэ..
* * *
Мин кини олоҕун ырыа буолбут олох диэхпин сөп. Ол курдук
олорбут олоҕо олус дьэҥкэ, ыраас. Таптыыр кэргэн, элбэх оҕо,
үтүө суобастаах үлэ-хамнас. Киһи быһыытынан олус үөрүнньэҥ
дууһалааҕа. Уот ыстаммытын курдук кыраттан даҕаны олус үөрэ-
рэ. «Кини курдук үөрүннъэҥ буолбут киһи», — диэн мин үгүстүк
саныырым. Ол эрээри, ити айылҕаттан бэриллэр сүдүталаан эбит.
Көннөрү күнүгэр нүксүччү соҕус туттан хаамара. Оттон туохтан
эрэ тэптэн санаата көтөҕүллүбүт буоллаҕына, төбөтүн өрө көтө-
ҕөн, икки ньилбэгин күөрэччи тардан, иннин диэки дьулуруччу
түһэн хааман иһэр буолара. Кини үөрэрэ да киэҥ. Тус бэйэтин
эрэ олоҕунан дьолломмут киһи буолбатах этэ. Атын дьон үөрүү-
лэриттэн тэҥҥэ үөрэрэ. Хайдах эрэ онтон күүс-көмө ылара.
Доҕор быһыытынан экчи биир тыллаах, ыга сыһыаннаах киһи
этэ. Хайа да күҥҥэ доҕору түһэн биэрбэт этэ. Сыыһаны туруору
этэринэн уратылааҕа. Мунньахха даҕаны, тус бэйэҕэр даҕаны.