Page 20 - Нэһилиэк төһүү дьоно

мооннъун хат ньыхатан эмиэ уруккутун курдук туттан олордо.
Ты/гхатан эрэр. Бүруммүт кырыатын тэбэммэккэ олорор буолан,
күөт ыт тириитинэн тигиллибит истээх үтүлүгү санатар. Саҥар-
дыы уһуктан эрэр айылҕа таарыйдын да таас иһит курдук лыҥкы-
ныыр. Киһи өйүн-санаатын эрийэн, ис иһиттэн сыналыйан, кы-
рыымпа кылын энэлгэнэ илиллэр. Оо, ол эрээри, буумуһах иһин кур-
дук сиргэ туох кырыымпата кэлээхтиэй? Хата сыарҕа тыаһа
эбит. Кырдьаҕас суор ити тыаһы истибитэ ыраатта. Куүппутэ
да ыраатта. Кини хайаан да кэлиэхтээх. Оччоҕо суор баарын бил-
лэрэн, кини үрдүнэн көтүөхтээҕэ уонна бу лыҥкынас тоҥ салгыны
уйгуурда хаһыытаан ылыахтааҕа. Кинилэр ити курдук көрсүһээч-
чилэр. Онуоха киһи сыарҕаттан эрэй бөҕөнөн оронон турар, кырыа-
тын соттор. Өрө хантайан суору олоотуур. Көтөн иһэр суор оҕон-
нъору аһына көрөр.
«Оо, кырдьан иһэбит, кырдьан иһэбит», — дии саныыр. Хаһан
эрэ, оҕонньор оҕо эрдэҕинэ, кырдьаҕас суор сэниэлээх этэ. Хараҕа
ырааҕы көрөрө. Уол туһаҕар иннибит куобаҕы да тоҥсуйара. Ба-
ҕар ол иһин этэллэрэ буолуо, «ыалга уол оҕо төрөөтөҕүнэ — суор
үөрэр» диэн, байанайыттан бэриһиннэрээри...
Өр кэмҥэ таба ылсыбакка, сүтэрсэ сылдъыбыттара. Аны били-
гин доҕордуулар. Бу тыас иһиллээбит курдук чункуйан турар алаас-
ка кинилэр иккиэлэр. Хардары-таары кэпсэтэллэр. Киһи-киһилии
саҥаран, суор-суордуу кыланан. Дьэ, ити курдук сырыттахтара,
төһө өр сылдьаллара биллибэт...
Николай Михайлович Сергееви кытта өр сыл доҕордостум.
Өс хоһоонунуу эттэххэ, буорбун тэбэстим. Бу барыга бары дуос-
пуруннаах, толкуйдаах киһини кытта ким барыта кэбирэхтик
уопсай тылы булар. Кини даҕаны киһиттэн кистиирэ суох. Үтүө
олоҕун барытын нэһилиэгэр анаата. Быһата, нэһилиэк дьылҕа-
тынан олордо. Кини баарыгар Өнөр туһунан куһаҕан тылы са-
ҥарбаккын, оннук тылы истиэн да баҕарбат. Оннук туруору тол-
куйдаах киһи. Дойдута үчүгэй аатырдаҕына, радиоҕа этилиннэ-
ҕинэ, хаһыакка таҕыстаҕына тус бэйэтэ хайҕаммытынааҕар ор-
дук үөрэр, санаата көтөҕүллэр. Баҕар истибэккэ дуу, аахпакка
дуу хаалыахтара диэбиттии, дьоҥҥо кэпсии тоһуйар. Өссө онон
эрэ дуоһуйбат, уулуссаҕа, хонтуораҕа, атын да сирдэргэ көрүстэх-
хинэ кини тумус туттан, урутол үчүгэй сонуну иһитиннэрэ охсор.
«Чэ, барьгга сөп буолла, орун-опнугар түстэ ээ» диэтэҕинэ эрэ