Page 275 - Сэрии кэмин оҕолоро 2 кинигэ

ТҮҮЛЭЭХ нэһилиэгэ

тахпына, Москва-Киев куораттарынан күүлэйдии барар буоллуҥ диэн сэбиэт бэрэс-
сэдээтэлэ В.Г. Ушницкай мотуорунан илдьэ барда, олус соһуйдум, ол иннинэ олох
билбэккэ сылдьыбытым. Хата, дьонум эрдэ барытын дьаһайан олороллор эбит. Онон
икки хоноот, Дьокуускай куоракка Бороҕонунан барбытым. Арааһа, группабьгг ситэтэ
суох буолан, куорат оҕолоруттан төлөбүрдээх путевкаҕа оҕолору ыыттылар. Үксэ нууч-
ча оҕолоро, биһиги тыа сириттэн үһүө эрэ этибит, ол иһигэр дьүөгэм (Кривошапкина)
Степанова Мария Романовна буолан көттүбүт, олус уһун айан этэ.
1960 сыллаахха Мүрү орто оскуолатын үчүгэйдик бүтэрэн Омскайдааҕы тыа хаһаа-
йыстыбатын институтугар киирбитим. 1965 сыллаахха бүтэрэн дойдубар кэлэн Тыа
хаһаайыстыбатын министиэрстибэтин направлениетынан Үөһээ Бүлүү оройуонун
бөдөҥсүйбүт Исидор Барахов аатынан холкуоһугар кылаабынай агрономунан ана-
нан 3 сыл этэҥҥэ үлэлээбитим. Холкуоһум 1966 сыл түмүгүнэн туораахтаах култуура
үүнүүтүгэр өрөспүүбүлүкэҕэ бастаан наһаа астыммытым. И ги кэмҥэ обкомол чилиэ-
нинэн, Үөһээ Бүлүү комсомолун комитетын бюротун чилиэнинэн үлэлээбитим, ыч-
чаты кытта үлэлээһиҥҥэ элбэх оскуола кыһатын барбытым. 1968 сылга ыал буолан
дойдубар төннөн кэлэн 30-ча сыл үлэлээн, 53 сааспыгган биэнсийэҕэ барбытым. 1990
сыллаахха улахан уларыйыыга 3 сыл курдук үлэлээн баран мин майгыбар барбат уку-
лаат буолбутун өйдөөбүтүм уонна улахан миэлиҥсэни төттөрү эргитэр кыаллыбат буол-
бут, били бэйэлээх ньир-бааччы олорбут тыа сирин дьоно үлэтэ суох, дьиэтин-уотун
көрөр кыаҕа суох буолбутун көрө сылдьан, тугу да көмөлөһөр кыаҕа суох, урукку бы-
лааһы аһыйан мөҥүттэ сылдьыахпын эбэтэр сирэй көрбөх буолан, испэр атын өйдөөх,
таспар атыннык этэр миэхэ барсыбат эбит диэн, 3 оҕобун салгыы үөрэттэрэр, кыһалҕа-
та суох суолларын тобулалларыгар аныгы дьон хараҕынан үлэлиир гына усулуобуйа-
ларын тэрийэр соругу ылынан, Дьокуускай куоракка бары көһөн киирбиппит. Дьиэ-
битин, квартирабытын агыылаан, оҕолорбутугар кыра да буоллар квартира, уһаайба
атыылаһан мин сиэннэрбин көрө олорбутум. Саҥа киирбит дьоҥҥо детсад да көстүбэт,
үлэ миэстэтэ да суох курдук, онуоха табаарыстарбыт улахан өйөбүл буолбуттара. Саа-
тар 2 дефолт саҕаламмыта, тас дьаһалтаны барытын кэргэним Николай Васильевич
ылбыта, онон аҕыйах сылынан оннубутун булан олохсуйан, 5 оҕо үрдүк үөрэхтэрин
ситэри бүтэрэн, бэйэбин кытта сылдьар 9 сиэн оҕо тустаах миэстэлэрин булунан ба-
рыта этэҥҥэ буолан истэ. Күн-дьыл ааһара түргэн, сиэннэрбиттэн 2 оҕо үөрэхтэрин
бүтэрдилэр, 3 оҕо үрдүк үөрэххэ үөрэнэ сылдьаллар, онтон уратылар — оскуола дьоно.
Ааппын сүгэр саамай кыра сиэним 8 саастаах. 1 саастаах хос сиэннээхпин. Мин са-
ныахпар ийэ киһиэхэ үрдүк дьоло — олоҕун салгыыр ыччаттардааҕа. Түмүгэр киһиэхэ
төрөөбүт сирэ-дойдута саамай үчүгэй, сылаас өйдөбүллээх, кыһалҕата суох оҕо саас
ааспыт сирэ-уота сааһырдаҕыҥ аайы өссө күндүтүйэн иһэр. Итинник үтүө өйдөбүл
үйэтин тухары оҕоҕо кырдьыар диэри сылдьар гына сылааһынан илгийиитигэр төрөп-
пүттэр улахан оруоллаахтар. Ити эбээһинэһи үйэлэрин тухары илдьэ сылдьар гына
иҥэрэргэ хас биирдии киһи эдэриттэн кыһшшара, үлэлиирэ, олороро олус суолталаах.

Сэрии кэмин оҕолоро

1. Алексеева Ольга Михайловна — 1929
2. Алексеева Мария Яковлевна — 1938—1994
3. Алексеев Афанасий Кононович — 1935
4. Алексеев Дмитрий Степанович — 1940—2020
5. Алексеев Конон Степанович — 1937—2000
6. Алексеева Мария Гаврильевна — 1932—2006
7. Афанасьева Анна Николаевна — 1935—2015
8. Афанасьева Роза Алексеевна — 1933—2009
9. Афанасьева Акулина Алексеевна — 1928—2000

271