Page 274 - Сэрии кэмин оҕолоро 2 кинигэ

ТҮҮЛЭЭХ нэһилиэгэ

гынан хааччыйар биригээдэлэр тэриллибиттэр, онно өрүс аттыгар баар Танда төрдүгэр
олохсуйан олорор дьоннортон Түүлээхтэн балыкка сыһыаннаах биригээдэтэ тэрийэҕин,
дьонуҥ туттар тэрилин хааччыйаҕын уонна буочукаҕа тууһаан обуоһунан Бороҕоҥҥо
атаараҕыт диэн сорудах биэрбиттэр. Ити биригээдэ сэриигэ сьыдьар са-гтааттар паёк-
тарын курдук аһынан хааччыллаллар эбит, ол биригээдэҕэ аҕам убайа Слепцов Гаврил
Прокопьевич, балыгы тутууга, паёгу биэриигэ сэрииттэн доруобуйатынан сыыйьылы-
быт убайым Слепцов Алексей Гаврильевич үлэлээбиттэр. Итии аһылыкка диэн сыыс
балыгы күстэҕи эҥин, кыра балыгы бэйэлэрэ сииллэр эбит. Биригэдьииринэн ким
үлэлээбитин чуолкай билбэппин, ити сорудаҕы ол кэмҥэ райсовет бэрэссэдээтэлинэн
үлэлээбит Слепцов Данил Григорьевич биэрбит. Онон аҕабыт сэриигэ барбатаҕа, ол
иһин буолуо хоргуйар этибит эҥин диэн этэр кыаҕым суох. Сэрии кэмигэр Бережнев
Степан, Слепцов Григорий диэн ийэм күтүөттэрэ уонна ийэм быраата Алексеев Иван
Климентьевич диэн эдэркээн киһи эргиллибэтэхтэрэ. Аҕам быраата Слепцов Николай
Прокопьевич эмиэ суох буолбута, 3 оҕо тулаайах хаалбыта, биир кыыс оскуолаҕа оһол-
лонон кыра сааһыгар өлбүт.
Эбэм Бочкарева-Алексеева Мария Спиридоновна кыра уолун сүтэрбит аһыытыттан
ыарыһах буолан 1954 с. өлбүтэ.
Ийэлээх аҕам тулаайах хаалбыт ийэм икки балтын Ульяналары, кэргэнэ суох балтын
Февронияны, ийэтин түмэн ынахтарын эспэккэ холкуос күүстээх үлэтин кэнниттэн
ол-бу хаалбыт сири оттоон ииппиттэр. Ону таһынан икки көмүлүөк оһоҕу маһынан
оттон кытаанах үлэни көрсүбүттэр. Аҕам үлэтин быыһыгар мас охторон биэрэр эбит.
Эбэм өлүөн биир сыл иннинэ таайым значоктарын, мэтээлин, сэриҥггэн чап-чараас
кумааҕыга суруллубут суруктарын уонна оҕом кэллэҕинэ сиэтиэм диэн уура сылдьы-
быт халлаан күөх дьүһүннээх английскайдыы суруктаах хоруопкаҕа угуллубут хоруопка
аҥаара рафинад сахары, кыһыл орто хоруопкатаах от чэйи остуолга уурбута уонна аны
уолум кэлбэт, онон чэйи иһиҥ, саахары оҕолорго биэр, хоруопканан оҕолор оонньоо-
туннар диэбитэ. Уулаах хараҕынан көрөн турара билигин да өйбөр баар.
Биһиги, өй кыра дьоно, омук саахарын сиэн, значоктары мэтээл оҥостон үөрүү бөҕө
буоллубут, суруктары хоруопкабытыгар укта сылдьан сүтэрдэхпит дии. Онтон билигин
хомойобун.
Мин оскуолаҕа 1947 сыллаахха 0 кылааска үөрэнэ киирбитим. Арааһа, 12 этибит
ДУУ> учууталбыт Готовцев Иннокентий (Лэкиэй) диэн Бээрийэ киһитэ этэ. Тугу да
билбэт адьас кыра оҕолор буоллахпыт дии. Сорохтор ыалдьан, эбэтэр үөрэххэ барар
таҥастара суох буолан хойут киирбиттэр этэ. Үгүспүт ыраах сиртэн сылдьарбыт. Арҕаа
төбөттөн, Кириэстээхтэн, оннооҕор мыраан анныттан сатыы кэлэрбит. Оччолорго олус
тымныы этэ. Мутук тыс-тыс гынан тостон, мас тулата хап-хара буолара. Иистэнньэҥ,
дьаһаллаах ийэлээх оҕолору куобах таҥас быыһыыр этэ. Чөҥөчөх курдук таҥнан баран
төкүнүһэн кэлэрбит, суумкабытыгар мөһөөччүккэ өйүөлээх буоларбыт. Мин куруук
куобах буутун уонна арыылаах лэппиэскэ илдьэ кэлэр этим, онтон төһө айахпар киирэ-
рин өйдөөбөппүн, ас көрдөөччү элбэх буолара. Конон Новгородов, Данил Винокуров,
Василий Стручков диэн уолаттар арыый биһигиттэн улахаттар этэ. Нэдиэлэ бүтэһигэр
төп-төгүрүк харахтаах, кыра уҥуохтаах Вася Стручков аҕата оҕотун ыла кэлэрэ, оҕо-
тугар олус кыһапар этэ. Мөлтөхтүк саҥарар буолан, оҕолор ыйытан көрө-көрө дэлби
күлсүүнү таһаараннар уруогу мэһэйдииллэрин иһин учуутатбыт кылаастан таһаарара.
дьиҥэ күлүү гынар оҕолору буойуохха баар эбит...
Урут оскуолаҕа оҕолор 2-3 сьи хаатапар этэ, онон сыыйыпан улам аччаан иһэр
этибит. Онтон 4-с кылааска үөрэнэ сырыттахпытына, олус улахан кыргыттар Хатты-
гыттан үөрэнэ кэлбитгэрэ: Неустроева Нюта, Аржакова Мотя, Ушницкая Шура. Бу
кылааска наһаа үчүгэй Васильев Константин Егорович диэн учуутал үөрэппитэ, үчү-
гэйдик үөрэнэр, бэрээдэктээх өттүбүт пионерга киирбиппит. Ити курдук үөрэнэн 1957
сыллаахха оскуоланы бүтэрэн, Мүрү орто оскуолатыгар 7 оҕо үөрэхпитин салгыы бар-
быппыт. Миигин ити сыл сайыныгар Саастымаҕа от биригээдэтигэр үлэлии сырьгг-

270