Page 45 - Сэрии инники күөнүгэр
P. 45
Билигин сэриигэ эрэ сылдьыбыттар буолуо дуо, группабыт 25
студеныттан ахсааннаах киһи хааллыбыт! Институту бүтэрбиппит
55 сыла буола охсубут. Ол да буоллар үөрэммит институппутун,
үөрэппит учууталларбытын, 4 сыл олорбут Сэргэлээхпит уопсай-
дарын хаһан да умнубаппыт.
Народнай поэт Семен Данилов сөпкө да хоһуйбут эбит:
Ханнык да ыраахха эн ыырдан,
Ханнык да аар ааттан, көй тыыннан,
Доҕоруом, эн умнуо суохтааххын
Сэргэлээх иккитэ — уопсайгын.
Дмитрий ПУХОВ,
Саха государственнай педагогическай
институтун 1954 с. выпускнига.
"Забота. Арчы". Атырдьах ыйын 20 к. 2009 с.
ЭРГИСТЭН ТӨРҮТТЭЭХ ЭР БЭРДЭ
Дьокуускайтан Покровскай диэки айаннаан сыыры түһээт, сото-
ру Өктөм Төхтүрүгэр үктэнэҕин. Онно — бэртээхэй ыраас уулаах
протока үрдүгэр кэҥэс тэлгэһэлээх кыракый хоп курдук дьиэҕэ, Эр-
гис нэһилиэгэр, 1921 сыллаахха күн сирин көрбүт, сэрии сылларыгар
үстэ өлө сыһан баран тыыннаах эргиллэн эйэлээх олох дьиҥнээх
байыаһа буолбут, билигин икки хараҕынан көрбөт Петр Иванович
Павлов тапталлаах кэргэнэ Тамара Иннокентьевна көрүүтүнэн
бэрт ыраастык, чэбдиктик олорор.
Соторутааҕыта Петр Иванович уруккуттан үчүгэйдик билэр
киһитэ, народнай суруйааччы, народнай депутат Андрей Василъевич
Кривошапкинныын киниэхэ тиийэммит ирэ-хоро кэпсэтэн кэллибит.
Туох ханнык иннинэ мин бу Эргис диэн нэһилиэк оройуон хайа
өттүгэр баар этэй диэн ыйыттым. Киһим тохтуу түһэн баран, ону
билэр киһи билигин Эркээни хочотугар аҕыйах буолуо диэн баран
илиибин ыга тутта. Ол нэһилиэк сиригэр-уотугар билигин Покров-
скай куорат уонна кини тулатынааҕы сэлиэнньэлэр олохсуйбуттар
эбит. Бу дойдуга төрөөбүт биллиилээх фольклорист-этнограф учуо-
най Термогенов Георгий Устинович нэһилиэгин аатын ылан норуокка
Эргис диэн аатынан киэҥник биллэр.
Петр Иванович 1942-1945 сс. сэрии уотун ортотунан ааһан, 1943
сыллаахха кылгас тохтобул кэмигэр политрук илиититтэн кыһыл
өҥнөөх партийнай билиэти тутан, "Хорсунун иһин"мэтээллээх, "Аҕа
дойду сэриитин I степеннээх орденнаах, сэрии инбэлиитэ буолан
төннүбүтэ. Сэрии кэнниттэн улуу Советскай Союз саамай үрдүк
наҕараадатын — Ленин орденын туппута, Советскай Союз комму-
