Page 48 - Сэрии инники күөнүгэр

тыырап "Уруй буоллун" диэн "Кыымҥа" бэчээттэммит хоһоонугар
дьон-сэргэ санаатын өрө көтөҕөр маннык строкалар бааллар:
Москва тулатыгар
Муостарын тоһутан,
Ленинград иитигэр
Тиистэрин тоҥооммут,
Ростовка аҕалан
Оройун охсоммут,
Керчигэ киллэрэн
Кэтэҕин кэнэйдээн,
Төрөөбүт дойдуттан
Төттөрү үүрэбит.
1943 сыл сайыныгар Белоруссия биир дэриэбинэтин босхо-
лооһун иһин уоттаах, үгүс өлүүлээх-сүтүүлээх киирсии туһунан
Иван Павлов бэйэтин ахтыытыгар бу курдук суруйар:
"Биһиги взводпут эдэркээн командира лейтенант Дмитриев:
"Ийэ дойду иһин! Сталин иһин! Ураа!" — диэн хаһыытаабытынан,
бэстилиэтин өрө ууммутунан окуопаттан ойон тахсан иннин диэ-
ки ыстаммыта. Ону кытта тэҥҥэ биһиги "Ураа!" хаһыы ортотунан
ким төһө кыахтааҕынан иннибит диэки сүүрбүппүт. Өлөрү-тиллэ-
ри кэрэйбэккэ, туох баар кыахпытынан өстөөҕү утары күүстээх
уоту аһан кэннинэн чугуйарга күһэйбиппит. Ол будулҕан ортоту-
гар сырыттахпытына, эмискэ, көхсүм "ньир" гына түспүтэ. Төбөм
туймааран тулам барыта хаан-билик буолан көстөргө дылы гым-
мыта, сүһүөхпүн сүтэрэн охтон түспүтүм. Кэнники өйдөөбүтүм:
өстөөх буулдьата түөспүн дьөлө көтөн көхсүбүнэн тахсыбыт этэ.
Ол атаакаҕа бүтүн взводпугуттан баара эрэ үс киһи ордубута.
Дьэ ити кэнниттэн тыыннаах хаалыы диэн сэдэх түбэлтэ. Ох-
тон түһэн баран тыын ылан түөһүн харбаан көрбүтэ, хаан бөҕө
атаҕар туран — нэһиилэ командира ытыалаһа сытар сиригэр
тиийэр. Командира бэрэбээскилээн баран "аргыый сыыры түс,
онно санитардар баар буолуохтара" диир. Сыыла, төкүнүйэ былас-
таан аллара түһэр, эдэркээн санитар кыргыттар сүгэн, көтөҕөн
санчааска тириэрдэллэр. Дьэ өр эмтээн бу үлүгэрдээх бааһы
үтүөрдэллэр, чааһыгар төннөр кыахтанар. Быраастара "ты в ру-
башке родился" диэбиттэр. Өстөөх буулдьата сүрэҕин, сүрүн ты-
мырдарын быһа көппөтөх, тыҥатын кыратык таарыйбыт диэбитгэр.
Ыарахан бааһырыы кэнниттэн 3,5 ый эмтэнэн баран, Орел-
Курскай тоҕойугар 268-с артиллерийскай дивизия састаабыгар
дьиҥнээх уоттаах сэрии оргуйар үөһүгэр сылдьан танкалар кэнни-