Page 49 - Сэрии инники күөнүгэр

лэриттэн ПТР-н сүгэн атаакаҕа киирбиттэрэ, "катюшалар" уоту-
нан уһууралларыттан санаалара көтөҕүллэрэ. Биир оннук киирсии
кэмигэр снаряд оскуолкатын бытархайа хаҥас хараҕым чанчыгын
быһа көтөн ааспыта — өлөр өлүүттэн аҕыйах миллиметр быыһаа-
быта быһыылаах. Эмиэ госпитальга түбэһэн уһуннук эмтэммитэ.
Билигин хараҕа суох буолбутун биир содула онтон да буолуон сөп.
1944 сыл саҥатыгар Петр Павлов үсүһүн чааһыгар төннөн Бе-
лоруссияны, Литваны, Латвияны босхолооһуҥҥа кыттар, 1944 сыл
ахсынньытыгар Балтийскай муора таһыгар буолбут кыргыһыыга
уҥа атаҕын быччыҥнарын оскуолка быһа көтөн тоҕус ыйы быһа
госпиталтан госпитальга көһөрөн эмтииллэр. Билигин атаҕын
ыарыыта эрэйдиир — күнү быһа атаҕын массаастыыр, хамсатар.
Быаттан тутуһан күн аайы хаамар.
Улуу Кыайыы күнүн Омскай куорат госпиталыгар эмтэнэ сы-
тан көрсүбүт. Ол туһунан аатырбыт буойун бу курдук ахтар:
— Мин олохпор ол умнуллубат сүдү үөрүүлээх күнү аҥаар
атахпар ыарахан гипсэлээх сытан көрсүбүтүм. Оо, ол онно
Кыайыы туһунан иһитиннэрбиттэригэр куойкаларга хам кэлгил-
лэн сыппыт саллааттар "Ураа!" хаһыыга уйдаран, балтыһах тайах-
тарыгар өйөнөн бары ороммутуттан туран кэлбиппит. Ким күлэр,
ким үөрүүтүттэн ытыыр, хардарыта куустуһа-куустуһа эҕэрдэ-
лэһии, уураһыы-сыллаһыы бөҕөтө буолбута. Оттон куорат олох-
тоохторо, оҕолуун-улаханныын уулуссаларга тахсыбыттара.
Омскай госпиталыттан сэрии инбэлиитэ буолан, онон-манан
эриирдээхтик айаннаан дойдутугар 1945 сыл бүтүүтүгэр эргиллэн
кэлбитэ. Били сэриигэ барарыгар балыыһа түннүгүнэн эрэ көрбүт
кыысчаана 4 саастаах сүүрэ сылдьар киһи буолбут. Үөрүү, дол-
гуйуу...

Хорсун саллаат — хоһуун үлэһит
Дьэ ити курдук уоттаах сэрииттэн үстэ өлө сыһан баран эргил-
либит Эргистэн төрүттээх эр бэрдэ Петр Иванович Павловы пар-
тия Орджоникидзевскайдааҕы райкомугар үлэҕэ ылар былааннаах
көрсөллөр. Оччолорго сэрии толоонугар Ленинскэй партия кэккэ-
тигэр киирбит киһи үрдүк итэҕэли ылара. Коммунист Петр Ива-
нович Павлов партия обкомун архивыгар харалла сытар личнэй
дьыалата кэпсииринэн (Нац. Архив. Ф. 3. Опись 256. Д. 290) эп-
пиэттээх партийнай үлэтин Муустаах муораны тэлгэнэ сытар
ыраах Усуйаана оройуонуттан саҕалаабыта. 1951-1954 сс. партия