Page 204 - Сэрии кэмин оҕолоро 1 кинигэ

АҮПСҮН нэһилиэгэ

БЭЭДИ уЧААСТАГА

Босикова Екатерина Михайловна

Эбэбит Босикова Екатерина Михайловна Тэбиик нэһилиэгэр
«Маркс» холкуоска 1938 с. тохсунньу 4 күнүгэр холкуостаах дьиэ
кэргэҥҥэ төрөөбүтэ. Аҕата кыра эрдэҕинэ күн сириттэн барбы-
та, ийэтэ холкуоска үлэлээбитэ, кэлин доруобуйата мөлтөөн үлэ-
титтэн тохтообута. Эбэбит дьоно уон оҕоломмуттарыттан кини
соҕотох хаалбыта, ол иһин биир кыыһы иитэ ылбыггара. Онтон
Дүпсүн оскуолатыгар интэринээккэ олорон 6 кылааһы үөрэнэн
бүтэрбитин кэннэ, бииргэ улааппыт эдьиийэ ыалдьан, ийэлэ-
рин көрөр киһи суох буолан, үөрэхтэн тохтообута. 1957 сылтан
«Маркс» холкуоска 25 субай сүөһүнү тутан, 1963 с. диэри үтүө
суобастаахтык үлэлээбитэ. 1958 с. бөһүөлэктэн тэйиччи бруцел-
лезтаах сүөһүлэри аҕалан, онно ыанньыксытынан анаммыта.
16-талыы ынаҕы, ньирэйдэрин көрөн, аһатан, ыан, үүттэрин астаан, туох баар үлэни
4 ыанньыксыт буолан толороллоро. Ол кэмҥэ үлэлээбит дьонтон билигин кини эрэ
баар. Кэнники доруобуйата айгыраан, Бээдитээҕи фельдшерскэй пууҥҥа санитарка-
нан 7 сыл устата үлэлээбитэ. Дүпсүннээҕи интэринээккэ түүҥҥү ньээньэнэн, онтон
1979 с. кулун тутарга Дүпсүннээҕи сельскэй кулуупка уборщицанан, Дүпсүн сельскэй
Советыгар курьер-уборщицанан 1988 сылга диэри үтүө суобастаахтык үлэлээбитэ. Сэ-
биэт сопхуоһу кытта ыкса сибээстээхтик үлэлиир буоланнар, курьер быһыытынан ис-
полком бары таһаарар дьаһалларын биирдии тэрилтэнэн, отделениеларынан, хотон-
норунан кэрийэ сылдьан таһара. 1980-1991 сс. от ыйыгар бочуоттаах сынньатаҥҥа
тахсыар диэри счетовод-кассирынан ананан үтүө суобастаахтык үлэлээбитэ. Үлэтигэр
үрдүк эппиэтинэстээхтик сыһыаннаһара, ханнык да үлэни, дьаһалы эҥкилэ суох толо-
рорунан, дьоҥҥо, коллективыгар үчүгэй сыһыанынан убаастанара, ытыктанара, сала-
йар үлэһиттэр сыанабылларын ылара. Дүпсүн сельсоветын, исполкомун, нэһилиэгин,
Уус Алдан улууһун дьаһалтатын, социальнай көмүскэлгэ управлениетын махтал сурук-
тарынан, бочуоттаах грамоталарынан наҕараадаламмыта, үлэ бэтэрээнэ.
Эбэлээх эһэбит 4 оҕолоохтор: талбыт курдук икки кыыс, икки уол, 14 сиэннээхтэр,
8 хос сиэннээхтэр.
Сиэннэрэ
2019 сыл

Сивцев Иван Павлович

Аан дойдуну атыйахтаах уу курдук аймаабыт, харах уутун кыа хаанныы үрүйэлии
сүүрүгүрпүт алдьархайдаах сэрии түмүктэммитэ быйыл 75 сылын туолла. Аҕыйах ах-
сааннаах саха норуотугар Аҕа дойду Улуу сэриитэ өтөрүнэн өрүттүбэт охсууну оҥорбу-
та. Омукпут чэгиэн өттүлэрэ сэриигэ барбыттара. Онтон атыттара Улуу кыайыы туһу-
гар күүскэ үлэлээбиттэрэ. Элбэх киһи ыалдьан, аччыктаан, тоҥон өлбүтэ. Уоттаах улуу
сэрии кэмигэр оҕо буолан сылдьыбыттар Улуу Кыайыы төһө сорунан-мунунан кэл-
битин хоргуйалларынан, эт-сиин ыарыытынан, харахтарын уутунан кээмэйдииллэрэ.
Иитэр-аһатар, араҥаччылыыр аҕалар, убайдар, сэрии уотугар киирэн сэймэкгэнэр
кэмнэригэр, үнүгэс курдук тыллан эрэр оҕолор сындааһыннара сыыллар, эттэрэ элэ-
йэр күүстээх үлэни санныларынан сүгэн, аччык олох муҥун муннуларынан тыыран,
аһыы-аба туустаах хараҕын уутун амтанын билбиттэрэ. Сорохторо аас-туор дьылларга
хоргуйан өлбүттэрэ. Тыыннаах хаалбыттара сэриитгэн эргийэн кэлбит аҕыйах ахсаан-
наах аҕа дьоннорун кытта алдьаммыт-кээһэммит, айгыраабыт олоҕу чөлүгэр түһэрэргэ

200