Page 205 - Сэрии кэмин оҕолоро 1 кинигэ

АҮПСҮН нэһилиэгэ

сыраларын-сылбаларын, доруобуйаларын биэрбиттэрэ. Киһи буолан, олоҕу салгыыр
оҕону-ыччаты тэнитэн, Кыайыы үбүлүөйдээх сылыгар аҕыйахтара да тиийэн кэллэ.
Сэрии кэмигэр төрөөбүт оҕолортон биирдэстэринэн билигин Бээди бөһүөлэгэр
олорор Сивцев Иван Павлович буолар. Кини 1938 сыллаахха муус устар 29 күнүгэр
Тэбиик нэһилиэгэр төрөөбүт. Аҕата — «Энгельс» холкуос стахановеһа, Ааллаах Үүн
айанньыта Сивцев Павел Иванович—Хоттуус Байбал (1898-1978 сс.), ийэтэ — Сивце-
ва Татьяна Гаврильевна (1898-1955 сс.). Бииргэ төрөөбүт түөрт оҕоттон убайа Рожин
Иннокентий Динович (1929-1991 сс.), кэнники үөрэхтэнэн, үлэһит, ыал буолан Бо-
роҕоҥҥо олохсуйбута. Эдьиийэ Сивцева Мария Павловна (1936-2010 сс.), ветеринар
идэтигэр үөрэнэн, үйэтин тухары холкуоска, сопхуоска ветфельдшеринэн үлэлээбитэ.
Балта Сивцева Анна Павловна (1940-1998 сс.), Бээдигэ ыал буолан, оҕо төрөтөн, ыан-
ньыксытынан, кэлин пенсияҕа тахсыар диэри Дүпсүннээҕи «Кэскил» деткомбинакка
поварынан, баспытаатал көмөлөһөөччүтүнэн үлэлээбитэ.
Оччотооҕу дьон үгүстэрэ алаастарынан олорбуттара. Сивцевтэр дьиэ кэргэн сэттэ
дьиэлээх Муннук алааска олохсуйан олорбуттар. Сорох дьиэлэргэ иккилии, биэстии
ыал дьукаах олороллоро. Сэрии ыар кэмэ, тиийиммэт-түгэммэт буолан ол курдук дьу-
каахтаһан олороллоро. Муннук алаас оҕолоро алаастарыттан сылдьан оскуолаҕа үөрэнэл-
лэрэ. Уйбаан дьоно кэнники, 1959-60 сс., дьиэ тутган Тэкэрээттэҕэ көһөн кэлбиттэр.
Иван Павлович суоппар идэтин баһылаан, үйэтин тухары скорай, кран уонна да
араас массыыналарга суоппарынан Бороҕоннооҕу ПМК-ҕа, Дүпсүннээҕи балыыһаҕа
үлэлээбитэ. Билигин бочуоттаах сынньатаҥҥа Бээдигэ олорор.

Сивцева Екатерина Дмитриевна

Мин 08.07.1938 сыллаах төрүөхпүн. 14 саастаахпыттан «Со-
нун олох» диэн холкуоска саҥа төрүүр бургунастары көрбүтүм.
Тураҕас диэн сиргэ 14 бургунаспын илдьэ кэлэн кыстаппытым.
Ол үлэлии сылдьан 16 сааспар суорумньунан Сивцев Василий
Ивановичка кэргэн тахсыбытым. Онон оҕо сааспыттан хол-
куоска үлэлээбитим.
Титикээн диэн сиргэ оҕонньорбунаан 86 борооскуну көрөн
кыстаппыппыт. Онтон 1983 сылтан Бээди «Дүпсүн» сопхуос
бүччүм кыра биригээдэтэ этэ, онно мин ыанньыксыттаабытым.
Манна хас биирдии производственник күннээҕи үлэтэ ытыс
үрдүгэр ырылхайдык биллэ-көстө турара. Онон үчүгэй үлэһит
дьон ахсааныгар киирии ылбычча кэлбэт, итинник убаастабыт
өр сыллаах утумнаах, сэмэй да буоллар үрдүк таһаарыылаах үлэнэн ситиһиллэрэ. Ол
курдук үүтү валовай ыаһын сыллааҕы былаанын 4218 килограмынан аһара толорбутум.
Сыл 11 ыйын түмүгүнэн ынах ахсаанытган 1714-түү килограмм үрүҥ илгэни ылан,
Бээдигэ бастыҥнар ахсааннарыгар сылдьыбытым. Онно технологическай төрүттэри
утумнаахтык тутуһар этим.
Сайынын «Чараҥ» сайылык ферматыгар өр сылларга үлэлээн уопуттаах ыанньык-
сыт буолан старшайынан анаабыттара. Бу коллективка 4 киһилээх этим: Анна Пашюв-
на Павлова уолунаан Славиктыын, Паатова Мария Петровна, Бурнашева Марианна
Семеновна. Барыта 60-н ынаҕы ыыр этибит. Эбии аһылыкка лабыкта, уотурба ууга
буккуйан сиэтэрбит, ол курдук мэччирэҥ ыйдарын таба туһанан 4 ыйдааҕы былаам-
мытын толорор этибит. Онно оҕонньорум Сивцев Баһылай Иванович бостууктаабыта.
Сайыҥҥы ыамҥа ыйга 4-тэ контрольнай ыам ыытааччыбыт. Ол курдук Мандалина
диэн ынахпыттан күҥҥэ 17 киилэни ыыр этим. Молоковоһунан уолум Сивцев Дми-
трий Васильевич үлэлээбитэ, күҥҥэ 3-тэ кырынар этэ. Үүт ырааһын, хаачыстыбатын
ирдиир этибит. Ол курдук биирдэ да молоковоз атдьаммакка, үүтү аһыппакка үлэлээн

201