Page 36 - Тыыннаахтар олох олорор аналлаахатр

рэн эдьиийим бастаан утаа райсоюз тэрилтэтин көмөлтө ха-
һаайыстыбатыгар ыанньыксыттыыр. Онтон улахан остоло-
буойга 4 сыл асчытынан үлэлиир. Кинини кытта остоло-
буойга Пелагея Кычкина, Пана Скобцева, кассирынан
Анна Аммосова үлэлээбиттэрэ. Эдьиийим төһө да ыал мун-
нугар олордор, миигин бэйэтигэр ьшан Мүрү оскуолаты-
гар үөрэттэрбитэ, киһи оҥорбута. Онон мин киниэхэ тыын-
нааҕым тухары махталым муҥура суох. Эдьиийим Ефросинья
Дмитриевна тус олоҕор олус элбэх охсууну, аҥаардас дьахтар
буолан ыарахаттары көрсүбүтэ. Ол эрэн санаатын биирдэ да
түһэрбэтэҕэ, киһи көрөрүгэр оннук улаханнык ытыы-соҥуу
сылдьыбатаҕа. Кини: «Барыта үчүгэй буолуо, этэҥҥэ оло-
руохпут», — диэн тыллааҕа...
Эдьиийим Оппуруос райсоюзка үлэлиир сылларыгар
үлэ чааһын кэнниттэн солооһун ыраастааһыныгар, оҕуруот
аһын хомуйуутугар хойукка диэри субуотунньуктарга сыл-
дьара. Оппуруос кэлин оройуон прокуратуратыгар курьер-
остуораһынан үлэлээн 56 сааһыгар 1971 сыллаахха пенсияҕа
тахсыбыта.
Кыыһа Роза Дьокуускайдааҕы художественнай училигце-
ны бүтэрэн Танда оскуолатыгар анаммыта. Кэлин 1973 сыл-
тан Бороҕоҥҥо кэлэн «Сарыал» оҕо-садыгар иитээччинэн
20 сыл үлэлээн пенсияҕа тахсыбыта уонна аптекаҕа 15 сыл
харабылынан үлэлээн баран, үлэттэн соторутааҕыта уурай-
быта. Роза уола Заболоцкай Константин Алексеевич Арк-
тика институтун ситиһиилээхтик үөрэнэн бүтэрэн, үрдүк
үөрэхтээх опера артыыһа буолан Суорун Омоллоон аатынан
театрга үлэлии-хамсыы сылдьар.
Мин, Ховрова Евдокия Дмитриевна, эппитим курдук,
сааһым тухары эдьиийбин Ефросинья Дмитриевнаны кыт-
та эҥээрдэһэн олох олорон кэлбитим. Бу олорбут олохпу-
тугар «эн-мин» дэһэн өйдөһөн, өйөһөн, биирдэ улаханнык
саҥарсыбакка арахсыбыппыт. Мин оҕо эрдэхпиттэн инбэ-
лиит да буолларбын, эдьиийим көмөтүнэн үлэлээн-хамсаан
пенсияҕа тахсыбытым, салгыы 80 сааспар тиийэ үлэлээтим.
Онон эдьиийбэр махталым улахан! Эдьиийим Оппуруос 2001
сыллаахха 87 сааһыгар орто дойду олоҕуттан арахсыбыта.
Билигин кини кыыһа Роза, миэхэ эдьиийбин суохтаппакка
көрөн-истэн, бу 80 саастаах инбэлиит киһини бэйэтин ийэ-
тин курдук бүобэйдээн илдьэ олорор. Сиэммитин Костяны
ыал-күүс буолуо диэн эрэнэ күүтэбит...